6月驕傲月:同性婚姻知多啲

同愛人攜手步入教堂,真係一件好幸福、令人憧憬嘅事 💞。
但係對於同性伴侶嚟講,結婚卻是困難重重,充滿挑戰 😫。
時至今日,依然有唔少國家 ❌ 唔承認同性伴侶嘅關係同權益,不過「就算失望,不能絕望」🥺。
正當 6 月踏入驕傲月之時,不如趁此機會做一個各地「同性婚姻事件回顧」啦 🏳️‍🌈 ~
雖然距離同性婚姻完全合法化仲有一段非常遙遠嘅距離,但係都一定唔可以放棄,要爭取到底 💪🏻!
6月驕傲月:同性婚姻知多啲

1. 香港 🇭🇰:本港變性人士 W 婚姻上訴事件八週年

跨性別女士 W 向婚姻登記處申請與男友結婚,婚姻登記官基於 W 出生時嘅性別為男生而拒絕。
其後 W 一直上訴至終審法院,最終喺 2013年5月13日,終審法院推翻婚姻登記官嘅決定,指佢侵犯咗 W 喺憲法上嘅婚姻權同私隱權,裁決 W 可以與男友結婚,成為性及性別小眾權益嘅重大案件之一。
6月驕傲月:同性婚姻知多啲

2. 台灣 🇹🇼:同性婚姻合法化兩周年  

自 2019年5月24日,台灣同性婚姻合法化正式生效,至今已經有逾 5,000 對同性伴侶登記結婚,而對「同性伴侶應該享有合法結婚權利」嘅同意度都上升至 6 成。
6月驕傲月:同性婚姻知多啲

3. 日本 🇯🇵:地方法院判政府不承認同性婚姻屬違憲,成全國首例

2019年1月,日本兩對男同性伴侶及一對女同性伴侶向地方政府提出結婚登記申請但被拒絕,因此入稟法院。
北海道札幌地方法院3月17日頒布裁決,指政府唔承認同性婚姻嘅做法係違憲,成為全國首例,邁出咗平權嘅重要一步。
6月驕傲月:同性婚姻知多啲

4. 美國 🇺🇸:同志情侶收養地鐵棄嬰
悉心栽培成為數學高材生

美國一對男同志情侶偶然喺地鐵站內發現一名棄嬰,隨即聯絡警方。其後佢哋出席家庭法院作證,當時法官突然提議佢哋收養棄嬰。
雖然兩人起初對於收養嬰兒猶豫不決,最終都決定共同撫養被遺棄的小嬰兒。事至今日,小嬰兒已經長大,並喺大學攻讀數學與電腦程式。
兩位父親更將呢個感人故事,寫成了「Our Subway Baby」一書出版,引起唔少讀者嘅迴響。
6月驕傲月:同性婚姻知多啲

5. 台灣 🇹🇼:修法正式承認跨國同性婚姻
港 🇭🇰 澳 🇲🇴 籍同性伴侶亦適用

台灣司法院院會於2021年1月22日通過修正草案,規定同性伴侶只要其中一方係台灣人,就可以在台登記結婚,正式承認跨國同性婚姻。

發表評論

請注意,評論必須經過批准才能發布