【喜穴性教育】女性潮吹
1)咩係潮吹?
男朋友成日都話想整到我潮吹,💦但到底係乜嚟?潮吹係女性G點或陰蒂受刺激,令尿道左右海綿體受壓腫起。性高潮前後或期間液體從陰道或其附近射出的一種現象。英語稱為「squirting」或「gushing」。

2)係咪每個女仔都可以潮吹?
呢個係唔少人都有嘅疑問🤔️ 睇AV個陣成日見到好優好易就潮吹,但佢哋有啲都係靠多次嘅經驗先做到。係咪人人都做到,其實真係唔一定,因為冇一樣嘢係可以肯定世上人人都做到。有啲人次次都會潮吹,有啲人一世試過幾次,有啲人一世都冇。

雖然有一項問卷調查顯示,大概40%女性有試過潮吹,即係大概每三人就有一個體驗過佢哋認為嘅潮吹。就咁睇個比例好似好高,但液體噴發又唔一定係真嘅潮吹。真正確定自己有潮吹體質嘅人大概只有6%。

放鬆啲,唔好當考試咁覺得一定要達到潮吹。反正高潮未必有潮吹,潮吹亦不一定等於高潮。享受性愛,話唔埋邊一次突然會有潮吹呢~

3)點樣先可以潮吹?
雖然冇百分之百嘅潮吹攻略,但如果真想嘗試,可於進行性行為之前排尿,減少等陣噴尿的疑慮。
放鬆身心
最重要嘅一步: 放鬆‼️放鬆‼️放鬆‼️ 放鬆心情都放鬆肌肉,肌肉放鬆後,才有可能達致潮吹。
美好前戲
跟住就係需要一個美好嘅前戲,包括刺激陰蒂等。除咗可以令G點膨脹,暖身之餘其實前戲都達到放鬆嘅功能。
按摩G點
最後就係持續按摩G點,過程中可能會覺得有尿意,但唔需要特登忍耐或者放尿。帶住放鬆享受嘅心情就好。頭幾次可能試咗幾次都唔成功,唔好氣餒‼️慢慢享受過程就會成功~

4)潮吹液其實係咪尿液?
有好多研究都質疑潮吹是否等於尿液。雖然至今為止,仍未得出一個明確嘅答案,但清楚的是,液體由斯基恩氏腺排出來。斯基恩氏腺,是尿道口旁邊的一個小洞,會分泌透明液體,但因太靠近尿道,所以常常有疑惑潮吹是否是從旁邊尿道出來。

法國曾有位婦科醫生Samuel Salama,搵咗7位自詡有潮吹體質的女性做實驗,🕵🏻結果其中有2位釋放的液體,原來100%為尿液😨。另外5位體液,除尿液成份外,更含有一種叫PSA嘅尿道膀腺液。

💧所以可以理解成潮吹有尿液嘅成份,但不完全是尿。😌 但畢竟過程才係最緊要,最緊要enjoy!

5)潮吹對身體健康有冇影響?
潮吹係性刺激之後身心愉悅嘅反應,亦都係身體嘅本能,所以對於健康係冇任何損害。現代性科學研究結果亦都表明,性高潮可以提高身體嘅機能狀態,甚至有人以高潮減壓放鬆心情。

每一次高潮嘅時候,內盆腔都會充血,然後慢慢自然會逐步消退回復平時嘅狀態。
如果每次性慾被充分喚起之後又有高潮,對身體都唔會有任何不利影響。

相反,被喚起性慾但係又唔能夠達到高潮,盆腔充血就會長時間存在。長久下來,可能會造成長期盆腔充血甚至瘀血,導致下腹部脹痛,或者痛經。
同樣地,潮吹代表性慾釋放。壓力釋放之後,當然對身體冇影響。