後庭灌洗 101   Part 1 - 初步了解
點解需要灌洗?
灌洗後庭可以將直腸內嘅排泄物排出體外。咁樣,肛交或後庭玩樂時就更乾淨,同時做到闢味嘅效果,減少尷尬情況發生。

一定要灌洗嗎?
唔係。如果日常生活中進食大量高纖維食品(例如蔬果、五穀、豆類),同時飲用充足水份,就可以幫助腸胃蠕動,維持一個暢通乾淨嘅腸道,未必需要灌洗。

要預先幾耐洗?
明嘅,突如其來嘅幸福從天而降,緊係想秒速激戰!灌洗完盡量預留起碼一個鐘嘅時間,俾身體調整下同排出殘留喺體內嘅多餘積水。咁樣就可以避免「水喉漏水」嘅情況出現啦~

用咩水嚟灌洗?
偶爾灌洗:水喉水便可 / 蒸餾水為佳。
每日灌洗:生理鹽水。頻密灌洗後庭會導致體內電解質及益生菌流失,破壞身體免疫力。使用生理鹽水就可以減輕呢個問題。
避免使用:油類 / 番鹼水。

食瀉藥得唔得?
除非你有便秘嘅困擾,否則盡量避免靠食瀉藥。瀉藥會過分刺激腸胃及大腸壁,造成不適之餘,仲會令身體頻密地排出過量排泄物。
膳食纖維補充品可以改善便秘同肚瀉嘅情況,但係都需要俾身體足夠時間適應。

咩水溫最適合
最貼近人體體溫嘅溫水。唔好用凍水 / 熱水啊!!!腸臟嘅黏膜組織比皮膚更脆弱同敏感。傷咗內臟就 GG 鳥

用幾多水先好?
唔好以為越多就越好啊!通常每回大概 150 - 200 毫升就夠喇。大部分波狀灌水型灌洗器都係大概呢啲容量。
如果用太多水,一來會導致腹脹不適,二來會導致水份進入乙狀結腸(即直腸同大腸接合之處),反而會適得其反,將大腸內海量嘅排泄物帶晒出嚟......

避免灌洗太多
過於頻密灌洗後庭有機會令直腸壁受損,從而增加性疾病傳染風險。每個人體質唔同,所以都冇一個特定灌洗數量。但係如果可以嘅話,盡量限制每日灌洗一次,每星期兩至三次嘅次數。

調整自己期望
Shit happens! Pat pat 嚟㗎,有意外發生係正常㗎!肛交嘅準備功夫唔少,特別係被進入一方,所以更加要彼此尊重,唔好詆毀對方!而對有強烈潔癖嘅你,咁肛交就未必啱你喇。