吐啖口水做潤滑會正啲？性愛迷思大破解第一回

射精前抽出就唔會懷孕？

👶🏻 精子兵團回答：咁就太低估精子嘅威力喇！

⚠️ 陰莖喺性愛過程中嘅尿道球腺液（即係射精前液）都含有精子，所以同樣有機會導致懷孕㗎！

🚸 未有準備做父母嘅你，都係笠返個套啦 🎈

口交唔會感染性病？

❗都有感染風險架！

🤕 如果口腔或私處有傷口，又接觸到患者嘅精液／陰道分泌嘅話，就有機會受感染㗎！

😋 口交時都係乖乖用返個套／口交膜啦～

擔心超薄安全套好容易穿？

👉🏻 比起乳膠（latex）及聚异戊二烯（PI）安全套，超薄（即 0.01 及 0.02 厚度）款式物料（即聚氨酯 / PU）更薄，而且彈性較低。 😎 只要揀返合適嘅 size，同埋配合多啲潤滑液，咁就無有怕啦～

口水可以當潤滑液？

🤷🏻‍♂️ 嚴格嚟講唔係唔得嘅，總好過一啲潤滑液都冇囉...

🦠 口腔其實佈滿細菌，會增加私處感染嘅風險。

👅 而且口水嘅潤滑度並不持久，所以並唔足以取代潤滑液㗎。

生蠔可以增加性慾？

🤤 生蠔鮮味可口，但係食生蠔唔會直接提升性慾㗎～

💪🏻 生蠔含有豐富嘅「精子食糧」鋅同蛋白質，有助提升精子嘅質素及助予繁殖。

👀 生蠔嘅微量元素的確對身體有益，但係腸胃虛弱者就慎食喇。