加入喜穴

喜穴致力建立多元同正面嘅性教育文化,同時為大家提供品質優勝、玩味十足嘅產品。

我哋能夠走到今時今日,除咗有賴大家嘅無私厚愛同大力支持之外,更加唔少得我哋一班既打得又玩得,品味出眾又有要求嘅團隊!

我哋希望同你攜手協力,一齊宣揚性健康及性教育。如果你同我哋一樣,咁撚鍾意香港,又想喺一個正面、健康、包容及互相尊重嘅環境工作,咁就不妨加入我哋嘅團隊喇!

喜穴文化

- 以人為本:提供在職培訓,讓團隊發掘潛能;
- 顧客至上:真誠對待顧客,給予一個舒適私密的購物及傾談空間;
- 團隊精神:互相幫助體諒,一起達成目標;
- 緊密溝通:開心見誠溝通,尊重不同意見;
- 開心正面:工作環境不設過多制度規限,讓團隊發揮創意;
- 多元包容:非常歡迎持有不同經驗及性取向人士加入喜穴。

    情趣專員(旺角店舖-兼職)

    「情趣專家豈止一位店員咁簡單。除咗處理店舖嘅恆常業務,包括執貨上架、確保貨架及倉庫整齊有秩序、向客人推薦優質嘅情趣生活用品,更會將性正向信息、性教育內容、性健康知識、性歡愉貼士,透過與客人交談,甚至撰寫使用心得或教育文,傳遞俾每一位接觸線上線下喜穴嘅朋友。呢個亦都係喜穴成立嘅目標,打開一切與大家「性性相關」嘅話題。
    為咗達到呢個目標,我哋會用好用心去培訓每一位團隊成員,不分全職或兼職。我地希望每一位團隊成員都可以同我哋一齊成長,將學到嘅性知識與客人分享。所以,如果你係騎驢搵馬,純粹想搵一份短期兼職消磨時間竇多份糧,咁呢份兼職就絕對唔適合你
    如果你同我哋一樣都有同樣嘅使命感,喺遞交申請嘅時候都不妨同我哋分享下點解你會想加入喜穴團隊,你對呢份職位有咩期望,同埋你對性教育嘅諗法等。有相關工作經驗固然重要,但係我哋更睇重嘅係你對情趣生活及性教育嘅熱誠。回顧返 2021 年,喜穴嘅成就都係有賴於團隊嘅努力同熱誠。如果你都真心想喺性歡愉同性教育領域帶嚟一點正面改變,咁就十分歡迎你加入喜穴團隊,同我哋喺呢個情趣遊樂場一齊談情說性!」


    希望你係...

    - 具有敏銳潮流觸覺,喜歡探索新鮮事物;
    - 對情趣用品、性健康及性知識充滿好奇心及熱誠;
    - 性格主動外向、待客細心熱誠、喜歡與人交談;
    - 具備良好廣東話、英語及普通話會話及寫作能力;
    - 熟悉 Microsoft Office(包括 Word,Excel,PowerPoint,Outlook,等);
    - 若懂使用 Adobe Photoshop 及 Illustrator 會有額外優勢;
    - 經驗不限(最重要係熱誠 ❤️ )

    工作職責

    - 處理店舖日常運作,包括產品銷售、貨品上架、盤點貨品等;
    - 時常學習正確及充足性健康及產品知識;
    - 協助舉辦不定時性教育及性歡愉工作坊;
    - 提供店內服務,包括協助顧客、產品推薦、物流安排等;
    - 管理線上服務,包括跟進訂單、退換貨品、解答查詢等;
    - 時刻確保持店舖儀容整潔,貨架擺設整齊;
    - 協助執行公司線上及線下銷售策略。

    【全職】待遇

    - 每週 5 天工作天(彈性工作天)
    - 超時薪金
    - 銷售佣金
    - 員工購物優惠
    - 工作表現花紅
    - 勤工獎
    - 婚假
    - 生日假
    - 產假 / 待產假
    - 恩恤假
    - 在職培訓

      【兼職】待遇

      - 每週 2-3 天工作天(彈性工作天)
      - 銷售佣金
      - 員工購物優惠
      - 工作表現花紅
      - 勤工獎
      - 在職培訓
       

      如何申請

      我哋等緊你加入喜穴團隊!

      如果想申請任何職位,就立即將個人履歷薪金期望發送至

      work@pleasurepoint.store