Rainbow Market 彩虹市集回顧
由 Hong Kong Pride Parade 舉辦嘅 🌈 彩虹市集 🌈於 2021年 11 月 13 日圓滿結束喇 👏🏻！
今年同志遊行首次以市集形式同大家見面 🎏，非常有創意有意思 🥳。每個攤檔都展示唔同嘅性/性別多元相關產品 🎁，成個場館都色彩繽紛，非常開心 🤩！
當日氣氛非常高漲，場面墟冚，十足個嘉年華咁 🎪！好驚喜有咁多朋友仔嚟撐場 🙈，聽聞高峰時要排成 4️⃣ 粒鐘嘅隊先入到嚟 😱，我哋都忙到停唔到手忙腳亂 🤹🏻♂️！
市集嘅主題係「相約別離 同見未來」💞。對我哋嚟講，意味著無論大家身處何地 🌏，都一齊為著美好嘅將來團結一致，拼搏奮鬥 💪🏻🔥，感覺距離不再 💫。
呢次係我哋第一次擺市集 😝，而一向挺身支持性/性別多元嘅我哋就更加要大大力咁撐 🙌🏻！當日仲見到好多熟悉嘅面孔 👀，見到大家都（隔著口罩）攬攬錫錫，好有愛 💋。
仲有好鬼正嘅巨型 🏳️🌈 Rainbow Shower 🏳️🌈 彩虹旗洗禮，心諗如果掛喺舖頭會係幾咁正呢 🤤...
雖然今次市集淨係得一日，但係都係大成功 👍🏻！萬分感謝
Hong Kong Pride Parade 同 大同Gay Harmony 嘅邀請，亦都辛苦晒各位籌委成員 🙏🏻！
明年同志遊行見！
❤️🧡💛💚💙💜
標記：
Collection 2019
