magnifier
 繁中  Eng 
貨幣

今集嘅 #喜穴指南 會深入探討個人潤滑液呢個主題!
用凡士林做潤滑液得唔得?你用開嘅潤滑液好快變得又乾又笠?每次需要用幾多份量先啱?等我哋嘅 #喜穴指南 為你一一拆解啦~

叮個杯麵,開支啤酒,同我哋一齊展開滑潺潺之旅啦!

咩係潤滑液?

一句講晒,潤滑液係任何幫助減少摩擦嘅物質。

潤滑液嘅傳統功能其實係用於潤滑摩打、單車鐵鏈同埋其它機械零件等,以減少其活動部位運作時引起嘅磨損。

個人潤滑液嘅功效亦大致相同,就係為你嘅「活動部位」減少摩擦,令做愛同自慰時更順滑、更舒服、更愉快。

就咁聽嚟都冇乜特別啫… 但係如果真係簡單嘅話,點解市面上又有咁鬼多唔同嘅潤滑液嘅?其實就如飯菜嘅醬汁同調味料,唔同嘅潤滑液具有唔同嘅性質同特點,各有所長同其短。

點解要用潤滑液?

Thanks, thanks, thanks, thanks, 潤滑液! 誰能代替你地位?潤滑液嘅功能眾多,大致上可以歸類於以下主要功能:

舒緩乾澀

潤滑液可以舒緩由更年期及一系列原因引致嘅陰道乾澀。陰道乾澀唔單止影響女士嘅性生活,仲會影響佢哋嘅日常活動及運動。用水性或矽性潤滑液可以為陰道保濕,紓緩症狀。

潤滑液亦係肛交唔少得嘅恩物,因為後庭同陰道唔同,唔會自生分泌人體潤滑液。使用充足嘅潤滑液會減少對後庭脆弱組織嘅損傷。

減輕疼痛

潤滑液仲可以減少喺日常活動、運動及做愛中過度摩擦而引起嘅疼痛。疼痛同乾澀息息相關,通常越乾澀就會越疼痛。濕潤嘅表面可以降低摩擦,減輕疼痛。

增加愉悅

除咗上述嘅實際好處之外,潤滑液仲可以為你帶嚟愉快體驗㗎!無論係自慰或做愛,潤滑液都能夠確保舒適嘅觸感及順暢嘅活動。口味型潤滑液亦可以為口交過程增添趣「味」,為親密時刻創造感官刺激。

潤滑液甚至可以用嚟按摩用添!喺嚟料之前享受按摩前戲簡直係完美部曲啊!完全係一石二鳥囉~

有邊啲潤滑液種類?

水性潤滑液

水性潤滑液係市面上最常見及受歡迎嘅潤滑液種類。佢哋色澤清透,質地水潤,係追求「自然」感覺用家嘅首選。一齊睇吓水性潤滑液嘅優點同缺點啦:

優點 缺點
  • 容易清洗:水性潤滑液會被皮膚及粘膜吸收,所以淨係用啲清水同鹼液沖洗就得㗎喇。
  • 高度保濕:大多數水性潤滑液都蘊含保濕配方,有啲甚至專為對抗陰道乾澀而製。
  • 配方溫和:有咩天然得過純淨水?水性潤滑液性質溫和,能夠舒緩皮膚。
  • 不會留跡:水性潤滑液嘅水溶性配方易於沖洗,絕對唔會整污糟你嘅床單。
  • 乳膠安全:唔會損壞乳膠結構,所以可以安心與乳膠安全套一齊使用。
  • 兼容性高:可配合所有材質嘅玩具使用,包括矽膠、玻璃、不鏽鋼等。你諗得出嘅都用到。
  • 需要補擦:似乎你嘅「頻繁」程度,水性潤滑液可能需要經常重補擦。所以如果你唔想趁打得火熱之時被逼「半場小息」,咁就建議每次用多啲喇。
  • 甘油成分:如果用喺陰道時,甘油就會成為酵母菌嘅「食量」,令酵母菌不斷繁殖,增加感染嘅風險。雖然大部分女士都未必會經歷由甘油引起嘅酵母菌感染,但係對於容易或曾經患過嘅女士就應該避免使用含有甘油嘅潤滑液。

 

產品推薦

我哋為你精心挑選咗一系列不含甘油嘅水性潤滑液。佢哋會以植物纖維或海藻卡拉膠等優質原料代替甘油。 

唔知邊款水性潤滑液最啱你?等我哋俾啲推薦你啦:

^ 我哋最暢銷嘅無添加潤滑液,一支在手,無所不能。

^ 貼心獨立小支包裝,方便攜帶,讓你隨時準備就緒。

^ 質地比普通潤滑液更滋潤,能夠你減少補擦潤滑液嘅煩惱

^ 蘊含蘆薈,海藻及維他命E,可以仿效身體自身潤滑液。

^ 經典嘅日本「拉絲」潤滑液,帶俾你「龍鬚糖」般嘅過癮視覺效果

^ 獨特嘅淡淡清甜口味,為你嘅口愛過程增添趣味。

矽性潤滑液

雖然矽性潤滑液冇水性咁受歡迎,但係都越嚟越受人垂青!佢哋絲滑嘅質地同持久嘅特性,最適合「長氣王」嘅你!以下就係一啲矽性潤滑液嘅優點同缺點:

優點 缺點
  • 絲滑質地:獨特嘅絲滑質地,感覺舒服,令肌膚柔軟光滑。
  • 致敏度低:矽屬於低敏性原料,所以矽性潤滑液最適合容易敏感嘅人士。
  • 持久耐用:大部分矽性潤滑液只含有少量,甚至不含水分,所以不會被皮膚吸收,持久力超強,大大減少補擦嘅需要。
  • 適合按摩:柔滑嘅質地同持久嘅性質,讓手指輕易於皮膚滑翔,按摩時輕鬆自如。
  • 乳膠安全:可配合乳膠安全套一齊使用,同時唔會損壞乳膠嘅結構。
  • 水中玩樂:非水溶性嘅矽性潤滑液唔會咁容易被洗甩,所以你可以喺你嘅水上樂園盡情玩樂。
  • 肛交必備:矽性潤滑液能夠喺表面形成輕薄保護膜,配上超卓潤滑力,為括約肌提供額外保護。
  • 更難清洗:矽性潤滑液嘅特強持性可能需要進行多番清洗先可以徹底清淨。如果你時間緊湊,或唔想反复清洗,咁就未必適合用矽性潤滑液嚕。
  • 矽矽相剋:矽性潤滑液同矽膠玩具長期一齊使用嘅話可能會損壞矽膠玩具嘅無孔表面,令玩具容易滋生及隱藏細菌。千祈唔好貪方便就亂咁用啊!
  •  

    產品推薦

    市面上矽性潤滑液貌似千篇一律,其實質感可以有好大分別!喺以下嘅選擇中揀出你嘅心水,享受順滑之旅啦:

    ^ 採用至今分子最微細嘅矽性粒子,質感清爽,較為易洗。

    ^ 破天荒「內填式」膠囊,方便易攜,掩飾度高。

    ^ 專為矽性潤滑液初心者而設,質感較輕薄,容易入手。

    ^ 德國醫學級矽性配方,歐洲醫生診所廣泛推薦。

    ^ 最濃縮嘅矽性配方,蘊含荷荷芭油,保護同時滋潤。

    ^ 全球最受歡迎嘅矽性潤滑液之一。質地濃厚,用途廣泛。

    油性潤滑液

    油性潤滑液就冇水性同矽性潤滑液咁受歡迎喇。即管係咁,有啲人對油性嘅滋潤感覺始終情有獨鍾。等我哋探討吓油性潤滑液嘅一啲優點同缺點啦:

    優點 缺點
  • 按摩聖品:按摩技師用按摩油一定有原因嘅。油分可以提供最高潤滑度,讓皮膚柔滑無比,按摩時事半功倍。
  • 非常持久:油性潤滑液通常都會停留喺肌膚表面,所以幾乎唔駛補擦,名副其實嘅慳油慳力。
  • 質地濃厚:油性潤滑液濃厚柔滑嘅質地可以令感官享受程度提升至極致水平。
  • 極度滋潤:擁有極高滋潤性嘅油性潤滑液係乾性皮膚嘅恩物。
  • 影響陰道健康:油性潤滑液可能會影響陰道嘅酸鹼度,導致細菌滋生。所以好多油性潤滑液都係為男士打飛機而設㗎。
  • 破壞乳膠:油性潤滑液會破壞乳膠嘅組織,令其容易撕裂或破損。所以千祈唔好同乳膠安全套一齊使用喇。
  • 最難清洗:水油不容,而沾咗油嘅表面都較難清洗。除非你耐性爆棚啦,否則就唔係太啱你喇。
  • 可能留跡:唔想整污糟你嘅 CK 底褲或雪白床單?咁就最好遠離油性潤滑液喇。除非你想留番個「回憶印記」啦!
  • 粘稠油膩:好多人都唔係太鍾意肥笠笠嘅質地。如果你偏愛清爽,咁水性潤滑液就會啱你多啲。
  •  

    我哋目前淨係搵到兩款我哋合我哋心水嘅油性潤滑液咋!不過放心,我哋會繼續積極搜羅優質嘅油性潤滑液俾你:

    ^ 配方獨特,含有淡淡椰子香味,既清爽又持久,還會釋放暖感。

    ^ 膏狀自慰膏,提供最舒適爽快嘅自慰體驗,使用過後容易清洗。

    邊款潤滑液最啱我?

    讀完一大論嘢,但係都一頭霧水,唔知邊款最啱你?咁就睇吓以下嘅綜合表,揀出最啱自己嘅潤滑液啦!

    水性潤滑液

    矽性潤滑液

    油性潤滑液

    肛交

    口膠膜

    玻璃玩具

    乳膠安全套

    按摩

    自慰杯

    徒手自慰

    PU 安全套

    矽膠玩具

    不鏽鋼玩具

    陰道性交

    水中玩樂

    每次要用幾多潤滑液㗎?

    每次使用嘅份量其實取決於好多因素,包括潤滑液嘅類別、配方嘅濃度同埋使用嘅目的(例如配合玩具使用、做愛、自慰等)。就算你想浸個「潤滑浴」都吹你唔漲㗎。

    喺我哋嘅角度,潤滑液永遠都唔會嫌多嘅。但係一般嚟講,可以考慮先用五毫硬幣嘅份量,然後再根據個人需求及喜好再添加份量。

    應該擦喺邊度啊?

    潤滑液可以擦喺任何需要潤滑嘅地方,例如安全套外層,手指或私處。

    有冇平啲嘅選擇?

    我哋明嘅。優質嘅潤滑液的確冇氣水咁平價咁易搵。但就算係咁都唔代表你應該隨便喺廚房或梳妝台揾代替品㗎!

    潤滑液係比凡士林貴啲啲咁啦,但係用喺自己嘅私處,梗係要用靚嘢啦,係咪先?你喺喜穴搵到嘅潤滑劑全部都係對身體安全,有啲蘊含有機或醫學級成分,甚至可以食落肚添!

    其實個差別就等同冷榨有機果汁同濃縮糖水飲料一樣。DIY 配方喺短期內唔一定會對身體造成好大影響,但係身體淨係得一個,點解要冒呢個險呢? 

    同埋唔好成日用口水當潤滑液用啊!一次半次就得,但係你都知越舔個唇就越乾㗎啦,咁試諗吓成日用喺私處會點?

    所以呢,都係放低你嘅椰子油,護手霜同凡士林啦!用咗之後下邊敏感、乾澀、不適,邊忽抵啊?

    當然啦,你喺喜穴搵到嘅潤滑液都係絕對安全嘅!我哋篩完又篩,揀完又揀,查完又查,目的只係想為你慳一啲時間,帶嚟多一份安心。身體係你自己嘅,所以要好好愛錫!

    今集就講到呢度啦各位靚仔靚女們!希望大家順順嚐嚐,出入平安喇,嘻嘻。如果你有任何疑問,或者仲想知多啲,咁就隨時歡迎你隨時同我哋聯絡啦。下次見!

     

    STAY SEXY,

    喜穴團隊

    回到月經杯貼心指南