magnifier
 繁中  Eng 
貨幣

喜穴 團隊 大合照 pleasure point team

我哋嘅團隊

喜穴係一個多元化嘅團隊,有知識淵博嘅潮流達人,尋歡作樂嘅科技達人,笑口常開嘅創意達人,同虐戀情趣嘅SM達人!我哋我哋有LGBT份子,又有直仔直女,熱愛談情說性,有著無窮嘅好奇心,個個都又吹得又玩得!

我哋嘅故事

創辦人之一嘅 Kevin 喺佢18歲生日時買咗佢人生第一個性玩具 – Fleshjack Endurance Jack 持久訓練自慰杯。點知 Kevin J便爽歪歪,對佢愛不釋手!

得閒時,感官一派嘅 Kevin 就會研究唔同性玩具嘅設計同性能,同時喺唔同國家同地方買咗一件又一件嘅性玩具。佢日JJ,越玩越 high。性玩具好快就成為咗佢生活中唔少得嘅部分!

好談嘅 Kevin 開始同佢身邊嘅朋友分享性玩具帶俾佢嘅無窮喜悅時,亦感受到好多朋友唔單止對性玩具毫不熟悉,誤解重重,仲覺得性玩具只係獨孤一味,甚至對自己嘅身體都並不了解。

Kevin 辭咗佢法律顧問工作時,突然靈機一觸,想憑著自己對性歡愉嘅豐富知識同正面態度,改變大家對性玩具嘅睇法,於是就果斷決定奮身進軍性玩具行業。

憑著 Kevin 對性玩具嘅熱誠同執著,感染咗創辦人之一 Zion,好友 FeyFey LL。通過 Kevin 嘅介紹,Zion 試咗佢人生第一個性玩具;Feyfey 用咗月經杯之後,從此改寫咗佢嘅月事體驗;LL亦參與其中,將正能量散播出去。

就係咁,「喜穴」便誕生了。

KevinZionFeyfey  LL 四位一體,共同打造一個好玩自由嘅空間。如果你喺某處見到佢哋四個人左手托著酒杯,右手拎著震棒捧腹大笑,請不要驚訝,其實都係佢哋生活之日常咋~

我哋同你一樣,想搵一啲優質嘅嘢~

我哋同你一樣,想搵一位細心可靠嘅店員~

我哋同你一樣,想搵一個談情說性嘅自由空間~

喺喜穴,你可以搵到來自全球各地最安全、最優質同最新潮嘅情趣玩具同性健康用品。

性玩具猶如食物,每個人口味各有不同。就算係同幾款材料,亦可以配搭出層出不窮嘅味道,唔一定得個「鹹」字。鹹魚白菜各有喜好,你可以喺喜穴搵到最啱你口味嘅產品。每一件產品都係經過我哋精心篩選、個人測試同嚴謹要求,目的只係希望同你分享呢份喜悅。

喜穴係夢想、愛情、歡樂同友誼嘅結晶品。我哋歡迎你同我哋吹吓水,飲杯酒,喺我哋嘅 #情趣遊樂場體驗喜悅!

Stay Sexy!
Kevin, Zion,Feyfey & LL

我哋嘅承諾

安全至上

「有入」唔一定「有出」㗎。我哋會仔細研究每個產品嘅材料及成分,確保對人體安全,不含任何令人質疑嘅成分。

追求優質

人生最痛並非揾唔到你嘅「唯一」,而係搵到後先發現一切不似預期!大家毋需擔心,呢種不歡而散嘅悲劇絕對唔會係喜穴度出現。

歡樂滿懷

無論係可愛嘅設計,鮮豔嘅色彩還是獨特嘅功能,我哋嘅產品都能為你帶嚟豐富層次嘅感官享受,令你樂在其中。

#性福3C

所謂嘅 #性福,唔單止意味著感受驚天動地嘅性高潮,更包涵 #性福3C 精神!其實喺所有關係之中,你同自己嘅關係先係最重要。當你博愛嘅同時,都要好好認識及愛自己。無論係你嘅膚色,身形甚至私處,都有獨一無二嘅美麗。

自強 (Comfort in your own skin)

無論係你嘅膚色,身形甚至私處,都有獨一無二嘅美麗。你嘅身體每日都任勞任怨,為你打拼,係時候了解同慰藉吓佢,讓佢體驗更深層嘅愉悅,為佢打氣,自強不息。

自信 (Confidence with your own sexuality)

所有性取向、性格同愛好都能夠發光發亮,就好似彩虹入邊嘅顏色咁,缺一不可!真正嘅自信源自於自己嘅內心,無懼表達你嘅慾望,盡情釋放你嘅色彩!

自主 (Complete sexual autonomy)

自己身體,自己話事。你有權力安全地支配自己嘅渴望、需要同行為。喺人生嘅大舞台上,有時自編自導自演,可以為自己送上連場精彩好戲!

我哋相信,實現 #性福3C,便會促就更健康嘅身心,更親密嘅關係同埋更震撼嘅高潮!