五個日常生活中支持Pride的方法

每年十一月都係👬🏻香港同志遊行👭🏻嘅日子
除咗漫天飛舞嘅彩虹旗之外
好多支持者都扮靚靚參與一年一度嘅盛事💃🏻🕺
除咗參加同志遊行
仲有無其他支持LGBTQIA+群體嘅方法呢？🤔

方法一：收睇LGBTQIA+主題嘅電影同劇集

依家越嚟越多串流平台都播放LGBTQIA+題材嘅戲🎞
越多觀眾收看📺
就會鼓勵相關題材嘅創作📝
讓更多精彩作品呈現眼前😎
大眾自然對性別議題都會多咗認識同討論啦～💬

方法二：支持LGBTQIA+友善小店

推動性/別小眾平權媒體組織Ｇ點電視整理咗「香港性/別小眾友善店家資料庫」📍
經認證嘅性別友善小店都會有張 🌈 彩虹店家標誌 🌈
獲得呢個標誌嘅小店仲會透過不同模式推動性/別平權同認知 🙌🏻
見到標誌，可以多多支持小店㗎～💪🏻
#喜穴都有呢張Q嘜認證

另外，如果店內有展示彩虹旗或標誌
都有機會係性別友善小店嚟㗎🫡

方法三：留意時事，勇於表達

關注性/別平權嘅時事新聞 🔍
然後將相關話題嘅新聞同身邊人分享 📲
都會係日常生活中容易提升 🆙 關注及認識嘅途徑
面對性/別歧視嘅內容
可以嘗試禮貌地表達自己嘅所感所想 🗣
展開討論嘅同時，慢慢培育彼此尊重嘅態度🤝

方法四：支持性別友善廁所

跨性別嘅朋友有時會怕尷尬而選擇用殘疾人士廁所♿️
性別友善廁所就係其中一個解決方法👍
香港暫時只有少部分🤏公眾地方設有性別友善廁所
例如逸東酒店、香港大學同中環街市😯
推動更多公眾地方設立性別友善廁所⚧
就可以令社區變得更性別友善❤️

方法五：建立 LGBTQIA+ 友善工作環境

公司管理人員可以將 LGBTQIA+ 政策 ✅ 融入公司文化
提倡以開放➕包容的態度看待員工的性/別傾向
可能仲會 boost 📈 到 productivity 添～
同唔同企業合作或搵工嘅時候🫱🫲
可以留意一下企業有冇LGBTQIA+群體友善嘅政策🧐
都會係一個 bonus 嚟㗎💫

尊重每個人嘅傾向同聲音 🫂
喺日常生活中積極地創造改變 🪄
實踐性/別平等嘅日常生活模式 🙋🏻
咁每日都可以係人人值得驕傲嘅 Pride Day🌈