點解安全套會穿？係咪犯咗以下錯誤⋯⋯【容易令安全套穿嘅5大原因】

原因 1：尺寸唔啱

🤔 問題：安全套太窄，除咗唔舒服，仲更容易穿！雖然安全套都有一定彈性，但係始終都會增加其負荷。

✅ 解決方法：買之前好好量度 JJ 尺寸。可以參考舊 Post 睇下如何選擇安全套。

原因 2：存放不當

🤔 問題：高溫存放會導致膠質變質，而攝銀包或受尖銳物品摩擦 (例如鎖匙) 會直接增加破損風險。

✅ 解決方法：存放於陰涼乾爽處，如需外出攜帶就要多加包裝保護 (例如卡片套)。

原因 3：唔夠 Lube / 用錯 Lube

🤔 問題：安全套內置嘅潤滑液未必足夠㗎！如果潤滑不足，激烈嘅摩擦會加快對安全套嘅損耗。

✅ 解決方法：油性物質 (例如凡士林、按摩油、BB 油) 會瓦解乳膠結構，令其容易破裂。建議自行補充水性/矽性潤滑液！

原因 4：安全套過咗期

🤔 問題：安全套同食物一樣，都有期限㗎。安全套過咗期，就唔安全喇... 不必解釋啦～

✅ 解決方法：用之前睇清楚有冇過期先用啦！就算係 **啱啱** 過期都唔好博啦！

原因 5：穿戴方法不正確

🤔 問題sss：
1) 冇擠壓頂端儲精囊就戴，頂端會容易積留空氣，活塞時會容易因氣壓增加而破裂/甩套。
2) 用牙戴套，牙齒吉到。口，唔係咁用嘅... 增加情趣有好多其他方法㗎～
3) 好緊火，暴力撕開安全套，俾指甲刮到 / 直接撕裂安全套。

✅ 解決方法sss：
1) 一隻手擠壓住頂端儲精囊，另一隻手將 dom 碌落 JJ。
2) 乖乖地用手啦～
3) 要溫柔啊 BB！盡量喺包裝側邊撕開，或者可以用牛油盒設計嘅 Sagami / Zone Premium 安全套啦！