Homemade 潤滑液得唔得㗎？

❌番梘水❌

唔好睇番梘水質地滑溜！但佢本質係除！油！㗎！

番梘 pH 值偏鹼性，會影響私處嘅酸鹼值， 破壞私處菌群平衡、令黏膜組織脫水。

當中嘅香料、酒精、表面活性劑等刺激性物質， 更會刺激皮膚、輕則疼痛不適、重則感染發炎。

❌蘆薈 gel❌

蘆薈 Gel 的確可以舒緩、補水、降溫。相信大家曬傷咗都有用過。

但係佢畢竟唔係為潤滑而設，而且好快乾。

而且好多款都會添加酒精及香料，最好避免接觸私處喇。

想要蘆薈，可以考慮有蘆薈成份嘅潤滑液噢～

❌Hand Cream、護髮素❌

Hand Cream 同護髮素一樣，

多數含有大量香精、油類及其他刺激性物質，

私處嘅毛髮亦都唔需要柔軟順滑 lol (主要係保護私處)，

所以都係不了！

❌香薰精油 / 按摩油❌

大部分按摩油都有香精同植物精油，

頭先都有解釋到其對私處嘅影響。

但都有例外嘅！

Slow Sex Warming Massage Oil 可食用暖感按摩油，

食得又可以用於私處 (用喺外陰得喇！)

椰子油 / 凡士林 ✔️/❌

椰子油 + 凡士林用嚟打飛機係唔錯㗎！又平又滑又持久！

但係油分會影響陰道酸鹼值，有機會導致陰道發炎。

同埋注意 - 油分會侵蝕乳膠安全套嘅組織，令安全套不再安全！