聖人 mode 為何也？

阿彌陀佛🙏🏻 今日係紀念聖人釋迦牟尼誕生嘅日子，唔知可否借問聲施主，何解會有「聖人mode」呢🤔？

🧘🏻‍♂️ 聖人 mode 為何也？

所謂嘅「聖人mode」，係指性行為後進入「異常冷靜」嘅狀態，對性瞬間冷感嘅狀態，就猶如聖人一樣無欲無求，「色即是空，空即是色」📿

🧘🏻‍♂️ 全因一種激素

唔洗擔心，之所以有「聖人mode」並唔係因為對方唔愛你，而係因為高潮過後，體內嘅「泌乳激素」會大量分泌，抑制高潮時釋出嘅「多巴胺」，令大腦進入理性且冷靜嘅狀態，大家唔好錯怪你嘅伴侶啦🤓

🧘🏻‍♂️ 原來男女都有？

日本有調查訪問咗200名20-34歲嘅男女，發現有80%嘅男女都體驗過「聖人模式」，分別有100% 嘅男性同 64% 嘅女性體驗過，所以「聖人mode」並唔係男性獨有，只係比例上較女性多👫🏻

🧘🏻‍♂️ 男性「聖人」時間較長

同項調查顯示，男性嘅「聖人mode」時間平均可以維持25分鐘，而女性就平均維持6分鐘，難怪成日有女仔投訴男朋友完事後唔理佢啦🙊

🧘🏻‍♂️ 有助提升決策能力

亦都有調查顯示，部分男女喺聖人mode嘅時侯曾經體悟到一啲人生道理💭 醫師就表示，臨床顯示依段時間可以幫助思考同能提升決策能力，可以把握依個時段做重大決定。

💡 點樣縮短聖人 mode？

要提升性慾同性能力，首先要強身健體💪🏻 有資料指恒常做凱格爾運動，可以有效訓練骨盤肌肉，從而提升性愛時嘅敏感度🆙 除此之外，健身可以刺激中樞神經，平衡賀爾蒙分泌，間接提升性能力😎

如果大家平時有咩諗唔通，不妨喺「聖人mode」嗰陣諗下🤣 不過，進入「聖人mode」之前首先都係爽左先啦🤤