【後庭電擊 | 實測】BIRI BIRI BIRIKKETSU 低周波前列腺電擊器

一、點解會想玩電擊玩具？

本人一直都有喺Twitter留意玩得比較激嘅網黃，佢哋有套睇落去好勁嘅電擊玩具，可以電到啲奴仔係咁嗌。雖然唔知到底係痛到嗌定係爽到嗌，但有少少M屬性嘅我都想試吓。見專出㜺鬼玩具嘅日本性玩具品牌A-ONE出咗一個低周波電擊玩具系列，有乳頭、龜頭同埋前列腺玩具款，梗係要試吓！然而因為龜頭電擊聽落去太過激，我都係乖乖哋試咗個前列腺玩具款先。

二、低周波電擊的情趣用品

每次睇Twitter網黃用電擊玩具玩調教，睇得好興奮嘅同時都會理性諗吓到底安唔安全。呢個BIRI BIRI電擊玩具系列主打低周波電擊，自己因為之前試過低周波電擊美容並無不適，所以相信呢個程度嘅電擊係安全嘅。網上仲寫低周波有促進血液循環、解除肌肉僵硬及疼痛、強化及鍛鍊肌肉等幾好嘅治療效果。唔知係咪可以用嚟醫吓被玩壞咗嘅小穴呢？

三、開箱後的玩具組件

拆箱後會得到一個主體前列腺玩具，一個控制器，一條連接電線，同埋兩粒AAA電芯。主體形狀有啲似卡通片入面嘅精靈翼，就咁睇都未必知道係性玩具。可插入長度係10 cm，中間最粗有3.5 cm粗。主體本身並沒有任何按鈕，需要透過底座兩個小插孔來接駁控制器嘅電源先會有電。控制器需要入兩粒AAA電芯，上面有1個開關按鈕，4個電流頻率按鈕，同埋1個扭制去調較電流大小。控制器頂部有兩個插孔，原來係可以俾你接駁埋另一件同系列電擊玩具，例如龜頭/乳頭電擊玩具，同步發送電擊指令，擴大調教範圍。

四、使用過程

使用方面，雖然控制電流聽落去技術含量好高咁，但其實非常容易操作：長㩒開關3秒開啟，快㩒1吓即刻熄到。咁樣可以防止誤開，緊急時刻又可以即刻熄到，夠晒貼心。

先用手試玩具是常識吧。我用五隻手指緊緊握住，果然唔洗較到最強就已經感受到每個電流模式嘅分別：
1. 心跳節拍
一下接一下，節奏同心跳相約嘅平穩電擊
2. 密集節拍
高頻率跳動感！密集嘅高功率電擊，刺激度更高
3. 漸進節拍
由弱到強不斷推進，每一組頻率都有明顯提升
4. 漸進心跳
加強版心跳節拍！每跳一下就會提升一個檔次，愈玩愈刺激

五、用後感

後庭肌肉對電擊嘅反應比我想像中弱，而且電流要調較到偏大，先會有刺激感覺。玩第二、第三個模式時，後庭所感受到嘅唔係本身嘅高頻率跳動感，而係強烈嘅肌肉收縮感；電流停頓時，肌肉就會放鬆。戈種感覺就似菊花又開又合「呼吸」嘅感覺。不過喺第一、第四個模式下，因為電流跳得夠慢、節奏夠分明，後庭肌肉就真係感覺到每一下跳動，好似塞咗個心臟喺後庭入面咁。可能呢樣就係低周波可以強化、鍛鍊肌肉嘅原因。後庭中個人覺得最有反應嘅模式排名：三>二>四>一。

呢種後庭電擊玩具同玩震蛋係全然不同嘅。低周波電擊原理係用低頻脈衝誘發肌肉去運動，即係每一下跳動、收縮同放鬆都係肌肉受刺激後自行發起；震蛋係用外力移動肌肉，所以感覺絕對會更強烈。然而兩者相比，我會覺得震蛋更易令我覺得舒服同埋達到高潮。呢樣玩具應該當作BDSM用具調教使用，更適合渴望被調教嘅人士玩。

針對呢件產品，我認為佢冇發揮到佢前列腺玩具應有嘅按摩功能。雖然佢的確有前列腺玩具嘅基本輪廓，但由於整體尺寸較粗，經已可以好似肛塞咁填滿一般的後庭，反而缺乏空間俾玩具去移動，督到/督實前列腺。所以整體嚟講，件玩具更似一個電撃肛塞。

如果想感受到呢個前列腺電擊玩具嘅最大效果，最好靜落嚟感受。打住飛機反而會難啲察覺到電擊刺激，同埋後庭收縮感覺。另外，盡量避免全力坐落去個主體玩具，因為插住嘅電線好容易會甩咗出嚟，咁就會停咗個電，電得唔盡興啦。狗仔姿勢係一個唔錯嘅選擇。另外，其實單靠兩個電線頭，就已經玩到好多BDSM嘢，用時一定要由細電流開始嘗試，有啲位置係一定唔用得嘅：頭部、頸部、心臟。

推薦分數/推薦合適使用者

- 適合用家：BDSM調教/被調教玩家，喜歡賞鮮探索新領域入門電擊感的用家
- 推薦分數：7/10
- 優點：電擊感大而不危險，4種模式提供多種層次嘅感覺
- 缺點：督唔到我前列腺，條電線較易甩
- 功能：6/10 (唔防水，輪廓刺激度不大)
- 刺激強度：9/10 (雖然未如想像般誇張，但都已經很強)
- 高潮程度：3/10 (原諒我淨係靠電，係去唔到高潮)
- 可玩性：10/10 (電擊玩具可以玩好多嘢阿)