【後庭灌洗 | 評測】😱 後庭自動出水了!懶人福音 Erocome Aquarius 水樽全自動灌洗器

講個秘密俾你知....我好少玩後庭!唔係因為我唔鍾意,而係因為我懶 —— 我覺得灌腸實在係太麻煩啦,但偏偏我又接受唔到唔洗就玩,所以就一直過住錯失後庭快感嘅日子。差不多每個類型嘅灌洗器我都有試過,經典型球狀灌洗器花灑頭式灌洗器針筒式灌洗器,我全部有齊哂,但都仲係唔合我心意,直到我遇到呢個懶人電動灌洗器

使用後庭灌洗器嘅經歷

就如寫字要從鉛筆學起,我嘅灌腸生涯係由經典型球狀灌洗器開始 —— 裝滿清水後塞入後庭,然後啲水入直腸,再等腸道排啲水出嚟。

雖然步驟好簡單,但未至於真係好輕鬆。因為我經常揸到個泵扁晒或者係手痛,都未揸晒啲水出嚟;拎咗出嚟後見到個泵仲噴到水,真係會嬲咗。 當我想調整一下揸法嚟令自己揸得舒服啲嘅時候,噴嘴就會郁,郁到督到肉令我唔舒服。仲有要維持住一邊hold住個泵喺屁股位置,一邊㩒水出嚟嘅姿勢,我都覺得好辛苦!

之後轉咗用駁花灑喉出水嘅花灑頭式灌洗器 —— 開著個水喉就出水,唔洗再靠手力㩒水出嚟,的確方便!但變相啲水會係無 限 咁 湧 入 嚟,水量控制得唔好就好易湧上乙狀結腸,越洗越多嘢屙,搞咗好耐都未洗得乾淨。而且去到某啲酒店,嗰度嘅花灑拆唔到落嚟,花灑頭式灌洗器就更加用唔到。

電動灌洗器,唔需要發力嚟出水,又冇使用地方限制,簡直就係我嘅救星!

 

 

後庭灌洗器外型

如其「水瓶座」之名,水瓶般外型比起其他灌洗器更為美觀。半透明黑色瓶身、菱格紋理瓶頸,為灌洗器鑲上滿滿嘅高級感。矽膠噴嘴粗15mm、長85mm,可以拆下放入水箱方便收納及携帶。噴嘴上共有五個小孔:一個朝天,兩個並排朝左,兩個並排朝右。水槽容量最初為160ml左右,朝噴嘴方向拉伸就可以擴展到210ml。瓶身中央設有按鈕,長按開機/關機,短按轉換出水速度。

灌洗器、電動灌洗器、後庭灌洗器、灌腸、EROCOME
水槽容量最初為160ml左右,朝噴嘴方向拉伸就可以擴展到210ml。
灌洗器、電動灌洗器、後庭灌洗器、灌腸、EROCOME
矽膠噴嘴可以拆下放入水箱方便收納及携帶。沒有噴嘴的Aquarius掩飾度亦好高。
灌洗器、電動灌洗器、後庭灌洗器、灌腸、EROCOME
水瓶座嘅容量剛好喺每回最佳灌水量(150ml-200ml)之間,你可以根據刻度灌入適量水量。

後庭灌洗器使用感

使用難度

相比經典球型灌洗器的纖幼噴嘴,如手指般粗嘅噴嘴雖然看似有點難以接受,但實際用起來卻比經典款更舒適。在噴嘴塗上水性潤滑液後,毋需多用力,搵啱入口位就能夠輕易進入。矽膠噴嘴比硬膠噴嘴更柔軟,減少不適感,粗度亦提供豐滿感,令我更興奮,更想推入去。所以對於新手不會有太大挑戰性。

出水能力

水瓶座嘅出水方式,就如一個噴泉、頂端一個出水口、左右兩側各兩孔。共5個噴水速度,預設開動最弱,及後可調校到最大。5個出水速度對肌肉嘅壓力不大,即使水流開到最大,都不覺痛和不適。個人灌腸來說,當然想速戰速決,所以立刻用第五個模式。雖然照噴頭嘅5個出水孔位置嚟睇,水瓶座並非全方位噴水,但考慮到水柱到達腸壁後會反射,算是非常接近360度清洗。(題外話:個開關制同樽身一樣係黑色,而且係平面,所以好易見唔到、摸唔到,建議喺插入嘅時候就用拇指擺定喺個制上面,插入後再㩒著。)

水量控制

因為水瓶座嘅容量,剛好在每回最佳灌水量(150ml-200ml)之間,所以我每次用都係裝滿後,就開著等到部機噴哂所有水就可以,不用擔心會灌咗太多水入腸。部機抽乾水時會有少少噪音(冇人會聽得出你做緊咩),咁你就知道啲水已經灌哂,可以抆返出嚟啦。

腸道感覺

灌哂所有水入腸後,我當刻有啲疑惑。因為之前用花灑頭式灌洗器嘅時候,好快就有肚脹嘅感覺,腸道亦有強烈意識要排走啲水,但今次卻冇呢種肚脹感覺,所以我有啲疑惑自己到底灌得夠唔夠水。但坐到馬桶上仍然會排到水出嚟,咁即係代表啲水係夠嘅。我係非常討厭呢種肚脹感覺嘅,所以今次嘅灌腸體驗我係覺得好正嘅:原來灌腸都可以唔肚痛㗎!

 

 

另外用途

灌洗器、電動灌洗器、後庭灌洗器、灌腸、EROCOME
一物多用,Aquarius同時都可以係一個飛機杯灌洗器。噴水嘅同時,360度旋轉機身,就可以全方位深層沖洗手指到達唔到嘅地方!用手指撩吓就可以感受到何謂乾淨~
灌洗器、電動灌洗器、後庭灌洗器、灌腸、EROCOME
有冇諗過,Aquarius 都可以係一個道具,協助你扮一個飲醉咗酒嘅「獵物」,等待「獵物」上釣!

推薦分數/推薦合適使用者

  • 功能:10/10 (5個噴頭出水、粗度可以作擴肛準備用)
  • 便攜程度:7/10 (雖然8.5cm長嘅噴嘴係收得埋,但剩低部份長17cm,不過整體都好輕)
  • 清洗能力:10/10 (5個出水孔出水,水柱到達腸壁會反射,算係全方位清洗)
  • 推薦分數:10/10
  • 優點:5個出水孔自動出水
  • 缺點:按鈕有啲難搵

 

發表評論