【潤滑液實測】令我好熱好想要⋯⋯ 最新酥麻熱感HARU Indulge review + 3款潤滑液對比評測
Hello 大家～ 我係喜穴嘅情趣專員戴安🗿
不論係自慰定係做愛，總有好多唔同添加情趣嘅方法！ 性愛×舒適，向來都係一對好好嘅拍檔，亦係好多人會選擇嘅方法。
但其實舒適嘅使用方法都有好多，唔知道可以帶嚟熱感體驗嘅 HARU INDULGE 煙醯胺熱感煥白潤滑液，又可以點樣提升我嘅情慾體驗呢？
今次我就會同大家實測台灣品牌 HARU 草本萃取熱感潤滑液系列 新推出嘅產品，並比對同系列其他產品！
#台灣 #haru #indulge #review #熱感潤滑液 #潤滑液 #潤滑劑 #高潮液 #實測 #評測
一、HARU 品牌
▍關於 HARU 含春 ⋯⋯
台灣品牌
HARU 係來自台灣嘅頂級私處護理品牌，品牌名稱取自日文「春天（はる）」。而產品全部都係 Made in Taiwan ，係安全同埋品質嘅保證～ 品牌理念方面，HARU 相信性愛不單係肉體嘅歡愉，更加係雙方情感嘅融合。
▍包裝典雅
包裝沿用 HARU 熱感潤滑液系列 嘅設計風格，並以燙金壓花作點綴。唔同嘅係 INDULGE 都整體都以橙黃色嘅金屬面作背景，顯得更加活潑奢華，好有質感 ( ✿︎ •̀ ꒳ •́ ) ♡︎ ✧︎
包裝上印有「 MAKE LOVE. NOT SEX. LET’S HARU. 」字句。 六十年代越戰時期，John Lennon 高呼「 Make love, not war 」；而喺當代，我地遠離戰火，人與人之間嘅關係卻前所未有咁疏離。 「 MAKE LOVE. NOT SEX. 」，十分符合 HARU 希望提升伴侶之間雙方親密度嘅品牌精神！
二、HARU 熱感潤滑液系列
▍草本植物萃取⋯⋯合法嗎？
聽到有草本植物成份，好多人即刻都會問：HEMP即係咩？喺香港合唔合法㗎？ 熱感潤滑液系列運用嘅其實係草本植物萃油，不含THC或CBD，有抗氧化保濕嘅功能，含有豐富嘅Omega-3、6、9以及亞油酸同不飽和脂肪酸，而家唔少護膚品都有添加HEMP，可以舒緩濕疹同埋敏感皮膚添㗎！ 而且生產原料都係合法進口，所以喺香港係絕對合法㗎～
今次除咗新推出嘅 HARU INDULGE，我亦都有試另外兩款熱感潤滑液系列嘅產品。三款同樣係水性潤滑液，可以配合玩具使用，希望可以互相比較～
熱感刺激排行榜（由 較高 至 較低）
ORGASM by Jack Herer > ORGASM >> INDULGE
質地（由 較濃稠 至 較水狀）
ORGASM >> ORGASM by Jack Herer > INDULGE
我自己使用上，就覺得三款各自嘅使用體驗都會有啲唔同，總有一款能夠合乎你嘅需要！以下我將會輕輕點評 ORGASM 同 ORGASM by Jack Herer！
ORGASM
ORGASM 係三款入面質地最厚身、濃稠嘅一款，熱感比基本款 STEAMY 多咗 30% 嘅感受，用起上嚟會有少少溫溫麻麻嘅感覺！
ORGASM by Jack Herer
Jack Herer 係一種品種名稱，而ORGASM by Jack Herer 嘅熱感會比 ORGASM 強烈少少🤏🏻，係三款入面刺激感最強烈嘅一款！ 溫熱之餘，仲會有啲涼涼地嘅感覺，冰火交纏 (˶‾᷄ ⁻̫ ‾᷅˵)，好似極弱版嘅雙飛人咁xd（唔好滴雙飛人啊喂！！） 質地都偏水性，而且會有少少HEMP嘅香味，係我幾鍾意嘅香味！！可以添加嗅覺刺激～
兩者分別都有推出便攜裝。 ORGASM 有 15ml 旅行枝裝，而 ORGASM by Jack Herer 則有 3ml 隨身片。
15ml 旅行枝裝
比較適合中程旅行，又或者係七日隔離ಥ_ಥ（要隔離就唔好返工！去瘋狂做愛！！瘋狂自慰！），同細支裝香水一樣大小，可以放喺化妝袋～ 要注意嘅係 15ml 旅行枝裝 用嘅係玻璃樽！論盡鬼小心易碎！！(=ﾟωﾟ)ﾉ
3ml 隨身片
更加可以話係為爆房同 staycation 而設， 去 staycation 之前袋定一兩片，甚至乎平時隨身帶住，方便大家興起嘅時候即刻爆房，都完全唔會覺得掗拃！
大家都可以視乎需要，選擇自己適合嘅產品！
三、HARU 新品 INDULGE
▍質感滑順
返到嚟今日實測嘅主角 —— INDULGE！
啱先提到，INDULGE 係三款入面質感最輕身、滑順嘅一款。我自己一向偏向比較水狀嘅潤滑液，貪佢同皮膚嘅感覺比較緊密，而且可以滲透入肌膚，好似真正滋養緊成個私處咁，亦都會令水水更緊加濕，成個下陰都好似水塘咁(●°u°●) 」
而滑順嘅質地之於有熱感刺激嘅潤滑液，就更加能夠提升温感。令溫熱嘅感覺隨着潤滑液嘅質感，滲透入肌底！！
▍無甘油低敏配方
好多人聽到個「油」字，就會俾佢個名呃咗。其實今日唔係油嚟㗎，佢係一種醇類，常見嘅唔同護膚品，可以達到保濕鎖水嘅效果，建構皮膚嘅天然屏障。 而甘油之於潤滑油或私處保養用品都係一項比較具爭議性嘅成份。
有研究指甘油有機會令皮膚敏感、影響陰部酸鹼值、令陰部可能受酵母菌感染或發炎，亦可能影響精子嘅表現，因此對備孕中嘅婦女未必友好。 但都有研究指，甘油係冇問題的！
總括而言，對於備孕中嘅婦女，又或者係有濕疹皮膚、皮膚敏感或對甘油敏感嘅朋友嚟講，無甘油低敏配方都係一個比較好嘅選擇！
▍煙醯安養膚成份：保濕、美白、抗老化！
煙醯胺（Nicotinamide），又被稱作維生素B3（VB3）。煙醯胺會抑制黑色素細胞，令黑色素細胞停止生產黑色素，唔少嘅護膚品都有使用煙醯胺，連 SK-II 同 OLAY 嘅美白精華都有試用到煙醯胺㗎！ 煙醯胺可以話係集保濕、美白、抗老化、平衡水油於一身嘅成分～
四、用後感
▍提升私處敏感度
熱感潤滑液嘅熱度唔係用完一下子就迅速升溫，唔會令到我好熱好痛，而係皮膚慢慢變得溫溫熱熱嘅感覺，令到私處嘅敏感度大大提升！！
▍熱感恰到好處 酥酥癢癢
INDULGE 係三款入邊最溫和嘅一款。除咗作為潤滑液，不論係成份定質感都十分優秀之外， INDULGE 嘅熱感都有所水準，就算只係搽喺皮膚之上都可以感受到温度輕輕上升。
而且熱感恰到好處，酥酥癢癢，有一種初戀心動手心發熱、或者做完運動心跳加速嘅感覺！！(⑉︎• •⑉︎)♡︎ 唔會過分刺激，令到私處感官麻木～
▍配合玩具 提升自慰趣味性
不單止係陰蒂！！配合玩具使用時，整個陰道都會感受到暖暖的～ 配合之前實測過嘅 LELO IDA™ Wave 旋轉雙頭G點震動器 使用，INDULGE 可以有效減低玩具嘅機械感，令到玩具都可以有相當嘅溫度，分別刺激內陰同陰蒂，提升使用玩具時嘅真實感。加上 IDA™ Wave 嘅挑逗性真係好強，一個人嘅享受都可以有比做愛更舒爽嘅體驗同趣味！！( ✿︎ •̀ ꒳ •́ ) ♡︎ ✧︎
▍為伴侶之間嘅性愛添加情趣
HARU INDULGE 係可以使用於口交嘅！！(*•̀ᴗ•́*)و ̑̑ 口中，由於黏膜組織同味蕾嘅感官接收都比較強，所以一樣會感受到溫熱嘅酥麻感，甚至乎比用喺私處仲要強烈。味道方面，帶輕微甘苦，有少少似中式茶水，係可以接受嘅範圍，唔會令人抗拒～ 過程中亦都可以增加對方嘅敏感度，同時令到雙方口交嘅過程都更具趣味！( •̀∀︎•́ )✧︎
至於做愛，使用嘅時候我會唧喺安全套外面。透過安全套，雖然冇辦法直接感受到對方嘅體溫，但依然可以透過 HARU INDULGE 減低安全套嘅塑料感。 同時亦都令自己全身都好似做咗熱身運動咁，慢慢就變得好熱好想要！
五、總結
▍我會推介 INDULGE 比 ⋯⋯
- 初次嘗試熱感潤滑液嘅朋友
- 想提升自慰趣味性嘅朋友
- 想為性愛添加情趣嘅朋友
- 想享受情慾體驗同時保養私密處嘅朋友
- 對甘油成份敏感嘅朋友
- 備孕婦女
