【產品實測】如此纖細的它，竟讓我高潮停不下～ Satisfyer Twirling Joy 評測

Hello 大家好！！我係阮戴安～

上次同大家實測完 Pro 2+ 震動陰蒂吸啜器，亦都同大家介紹咗 Satisfyer 呢個牌子。 講起女性性玩具，好多朋友都會諗起震蛋、震棒，但其實性玩具真係有好多種！今次就繼續探索 Satisfyer 不一樣既性玩具，同大家實測 Satisfyer Twirling Joy Review 手機遙控旋轉震動高潮筆。

今次評測會分〈開箱〉、〈Satisfyer Connect 應用程式實測〉、〈用後感〉及〈總結〉四部分。

產品連結：Satisfyer Twirling Joy 手機遙控旋轉震動高潮筆

#Satisyer #女性性玩具 #高潮筆 #震動棒 #震動器 #實測 #評測 #性玩具 #手機連接 #藍芽性玩具

一、開箱

我地先睇睇 Twirling Joy 既基本資料！

▍產品基本資料

▍機體

外型

有 PINK、FUSHIA、WHITE 三隻配色可以揀，我今次揀既就係最少女心既藕粉色！！୧⃛(๑⃙⃘⁼̴̀꒳⁼̴́๑⃙⃘)୨⃛ 流線型既設計，令我覺得佢好似一隻水怪仔咁cute cute～ ( ✿︎ •̀ ꒳  •́ ) ♡︎ ✧︎

手感

好輕巧！！好輕鬆就可以拎住按摩陰蒂～

二、Satisfyer Connect 應用程式實測

越黎越多情趣品牌推岀應用程式同支援藍牙連接功能，既然今次 Twirling Joy 有支援，就一定要試試佢！呢部分我就會為大家詳細介紹 Satisfyer Connect 嘅功能同配合 Twirling Joy 嘅使用感受。

Satisfyer Connect 榮獲國際創新科技大奬 CES 2021，CES 係咁評價 Satisfyer Connect 嘅 ：「Satisfyer App 遠不只是一個震動器遙控！」。

▍設置

首先下戴「Satisfyer Connect」嘅手機應用程式，個 app 兼容 IOS 同 Android 系統。

語言多種

程式支援31種語言，包括 繁體中文、英文、日文、韓文，可以喺設定入面變更語言。

用戶登記方便

預設用戶係訪客使用者，唔洗登記都可以用到「本地連接」嘅六種功能！但要用「遠端連接」、「社區」等功能，就需要註冊。 Satisfyer Connect 註冊過程輕便，只需要提供用戶名稱同密碼，而電郵唔係必需嘅，可以匿名使用程式，減低私隱疑慮。

快速藍牙連接

要使用藍牙連接功能，只需要開啟手機藍牙，並長按機身主按鈕４秒，感受到機身兩下震動，並亮起即成功連接功連接實測㩒實幾秒，手機已經通知可直接連接，十分易用！

應用程式鎖定功能

Satisfyer Connect 亦都有應用程式鎖定功能以保障私隱。輸入4位數PIN碼先可以存取APP嘅資料，亦都可以配合Tound ID、Face ID使用。咁就唔怕借電話俾朋友時俾朋友睇到啦！

▍本地連接：六大功能

程式播放

除咗有十九種預設震動模式之外，仲可以自己設計自己嘅序列同程式！所以係頻譜上可以話係有無限咁多選擇、配搭～

現場控制

個人使用而言，現場控制功能就有少少雞肋，畢竟要一邊自慰、一邊騰岀一隻手黎撳電話、仲要一邊諗玩具既震動頻譜，實在太過太過疲倦！！😮‍💨  使用上都比較推介用「程式播放」功能預先設計適合自己嘅 pattern 。

但係！！如果係同伴侶一齊玩就完全唔同講法喇，同伴侶一齊玩嘅時候，「現場控制」功能就可以將你嘅手機變成控制，等伴侶去控制你嘅 Twirling Joy ，喺前戲嘅時候一齊互相挑逗，可以好有情趣～

環境聲

「環境聲」功能可以讓玩具隨著四周環境聲大小而自動調節震動。換言之，環境越大分貝，玩具會震得越厲害。 Twirling Joy 嘅設計偏向室內使用，所以喺較安靜嘅環境，「環境聲」功能就未必適用。 不過我自己就幾期待「環境聲」功能配合震蛋喺戶外嘅效果，開會、喺街，甚至乎係啲重 Bass 嘅 Music Festival！！！香港咁嘈，唔知會有咩效果呢？ (⁎⁍̴̛ᴗ⁍̴̛⁎) 大家如果喺街上面用，記得要小心路面安全喔～

音樂氛圍

「音樂氛圍」，可以令用家聽歌時，玩具隨着音樂節奏去震動，啱晒我呢啲鍾意一路聽歌，一路自慰嘅朋友！！ （如果未試過嘅話一定要試吓😭） 程式可以連接 Spotify 及 手機媒體庫，但就未有支援 Apple Music、 YouTube Music 等其他音樂軟件。示範主要以 Spotify 為主，連接之後，亦都可以聽返用戶喺 Spotiy 儲存嘅歌單，對於音樂愛好者十分友好！

除咗選擇歌曲同歌單之外，揀歌之後亦都可別調整玩具震動強弱。

REMOTYCA故事

「Remotyca 故事」功能我未曾喺其他同類App見過。Remotyca 意思係「Erotica＋Remote」，即係將有聲色情文學同震動頻率結合，等大家可以一路聽住故事，一路體驗震動嘅轉變。連結咗 Spotify 之後，可以睇到更加多唔同嘅故事，暫時嘅故事語言有 英語、法文、德文、俄文同西班牙文 六種語言，我地都可以期待吓呢個功能之後嘅更新！ 而同「音樂氛圍」功能一樣，可以因應故事，個別調整玩具嘅震動強度。

三、用後感

▍震動⚡️

【8 種震動頻率 | 5 種震動強度】

可以重點刺激陰蒂，高速打圈旋轉會引黎一陣入骨酥麻，好快就濕濕的一大片，同時又好有挑逗性！！

配合水性潤滑液

雖然係外用玩具，但都建議大家配合水性潤滑液去使用，等 Twirling Joy 更緊貼皮膚。

IPX７防水技術

除咗可以喺浴室入面使用之外，喺清潔上可以成個拎去洗都係一大優點！ 我試過拎住喺沖涼嘅時候玩，嗰種對陰蒂嘅挑逗性，就好似自己性啟蒙時期「花灑自慰法」既升級版咁～ 如果你同我一樣，享受花灑對於陰蒂嘅精準刺激，咁 Satisfyer Twirling Joy 可能就會幾啱你。

外用 VS 內用 ！？

除咗刺激陰蒂，仲可以內用刺激G點。 對於內用玩具唔熟悉既朋友都可以探索吓自己嘅身體。實際應用後，我都係覺得 Twirling Joy 細小而集中嘅特性對於陰蒂會有更大嘅刺激。

其他感官刺激

#耳背 #耳窩

對於耳仔超級敏感嘅我，用 Twirling Joy 黎劃過耳後，嗰種酥麻由耳落到脊椎，有啲似採耳店會有嘅耳道酥麻，係另類嘅感官刺激，十分令人放鬆！

#乳頭

對於喜歡乳頭刺激嘅人，用 Twirling Joy 打圈咁喺乳頭劃，都會好有挑逗感！

前戲

同伴侶喺前戲嘅時候一齊玩玩具，都未嘗唔係一個培養情趣嘅好方法！畢竟人力再強都比不過玩具嘅震動～

靜音

Twirling Joy 幾乎係我用過聲音最少嘅玩具！！！開著咗，同冷氣機聲、雪櫃聲差唔多，蚊螆飛過都大聲過佢！

四、總結

▍整體評價：【 評分：7.8／10 分 】

▍優點

外型可愛、輕便

能精準而集中地挑動陰蒂

Satisfyer Connect：頻率及模式多樣

▍缺點

震動深度不足

分量感不足

▍我會推介俾⋯⋯

新手入門

新手對於自己嘅身體可能都未必好了解，而Twirling Joy 可以內外兩用嘅特性，正好可以俾新手由外而內咁探索自己嘅身體。先嘗試享受按摩陰蒂帶來嘅刺激感，再嘗試將體積較小嘅 Twirling Joy 放入內陰，感受一下。

情侶

如果想同伴侶一齊享受玩具嘅樂趣，我都十分推介情侶入手 Twirling Joy ，喺前戲階段互相挑逗！除咗直接刺激陰蒂，仲可以一齊探索下身體唔同地方，閒時仲可以「搞鳩吓」佢耳背、頸背（甚至攞黎「吱」佢✨），仲可以試吓喺對方背脊寫字、畫公仔叫佢估，可以話係培養感情既小玩具。

【🌟特別推介給⋯⋯】

#異地戀情侶 #女同志

藍牙功能亦可以打破地域界限，就算係 Long D 嘅情侶都可以透過藍牙維繫感情！

喜歡重點刺激陰蒂嘅朋友

如果你已經對自己嘅身體有一定嘅了解，享受按摩陰蒂帶來嘅刺激感，但又厭倦咗傳統震動器嗰種純粹而大範圍嘅震動，咁 Twirling Joy 可精準咁刺激、挑動陰蒂嘅特性就可以為你打開另一種刺激嘅世界！