Svakom Cici Review - 多功能初心探索棒——Cici
大家好,我係測試專員西嘉,今次要評測嘅就是Svakom Cici【初心必備】 纖幼柔軟G點震棒!Svakom係於2012年創立嘅美國品牌,著重時尚設計及高品質享受;今次Review的Cici,係其中一款熱賣產品。被譽為新手最啱用嘅Cici,雖然標榜G點震棒,但經過實測之後,發現佢原來樂趣多多,無論新手老手都合適

產品外觀:唔好講咁多,立即開箱先

包裝
整體簡約俐落。白色外盒好乾淨靚仔,附有充電線及絨布收納袋,方便攜帶並且乾淨衛生。

外型輕巧
Cici本體,拿上手感覺既輕巧又Slim!流線形的細長外表,4.5cm可深入陰道長度,加上同Airpods Pro重量相若的60g,是毫無笨重感的輕量級選手。

顏色
Cici的紫色,中性而恰到好處。因為我唔鍾意歐美鮮豔Shocking Pink太張揚鮮豔,粉紅又太幼嫩,Cici就啱我胃口喇。配上底部銀色金屬蓋的Highlight,成個格調都提升咗。

IPX7防水設計
Cici 防水規格IPX7,即係浸入水深1米,喺30分鐘內都唔會損壞。每次用完,可以放心搵水龍頭沖洗,但記得要扭實啲個銀色蓋。

續航能力佳
根據官方數據,充電2小時,最大連續用4小時!而實測發現,佢舊電真係幾襟用,擺成個禮拜都唔會冇電。呢點好重要,之前試過幾次性致起,但發現玩具冇電要去充電,當堂掃曬興。

Cici 女士震棒 Svakom 陰蒂震棒 G點

超幼闊度 玲瓏浮凸
我曾經遇過不少朋友同客人,不約而同於初次選擇插入式玩具時,都希望揀偏幼款,因為太粗望落會造成心理小壓力。而Cici可算頭一二嘅選擇!因為佢最「粗」的頭部,同兩毫子闊度差不多!不過2.5cm,毫無入侵式威脅感!頭上更有紋路,用來加強按摩時刺激。

Cici亦凹凸有致,似葫蘆形的淑女身形。頭細,頸更幼。唔好睇佢頸幼幼,靈活有彈性,平時就維持30°的角度,放入體內彎度剛好,有需要時可180°折疊,分別刺激唔同部位。順勢而下就係握感不錯嘅手柄及按鈕。Cici滑溜嘅醫學矽膠表面,Smooth到忍唔住一摸再摸,最底的金屬部分,扭開就可插入充電。

Cici 女士震棒 Svakom 陰蒂震棒 G點

 

入 正 題,開機!

簡易操作
Cici全機得一粒掣,操作相對簡單, 開機、閂機、調節震力、轉換模式都係嗰粒,唔使煩。有時候啲玩具太多掣,要研究一排先適應操作,都唔知係你玩玩具,定係俾玩具玩你😑

25個震動組合
Cici共有5種不同震動模式,每個模式有5個不同強弱度。計一計數,即係total有25個組合可以玩! 要啟動Cici,就長按按鈕,直到佢發光開始震動。一開機預設模式為【長震】的【第3個強度】,力度中等。

按鍵使用方法
單按一下,可以調校力度;連按兩下,則可轉換唔同震動模式,例如【急速震動】、【波浪】等等。由於預設係由中等力度,再按先轉強,再變弱。所以如果喜歡較弱的震動,就要多按幾下。而強弱度的轉變好順暢,屬於漸漸增強,唔會發生突然太刺激,受唔住的情況。

靜音好物
睇唔出佢細細枝,但摩打幾強勁,仲要唔嘈。說明書話低過50分貝,即係細聲過鐘嘅滴答聲。啱曬我自己一個Have Fun!唔會打擾人,又唔怕俾人發現~

試用體驗:陰蒂刺激好物+手感一流

雖然自己都有其他玩具,但置入式嘅款式都比較少掂(近乎零),所以我Prefer用Cici刺激外陰黎開始~ 雖然佢叫G點按摩棒,但唔好比佢個名侷限。我成日都會用各種玩具黎揼骨,舒壓😂

Cici 女士震棒 Svakom 陰蒂震棒 G點

唔試唔多覺,一試出乎意料Enjoy😃

精準刺激陰蒂
佢用嚟刺激陰蒂,舒暢感係我意料不及!因為佢個頭好細,可以對準豆豆範圍,Cup係佢上面玩。比起震動大範圍外陰,Cici能更精準、更集中刺激陰蒂。開啟【波浪模式】的【弱震】,不出幾秒已經有感覺,係伴隨些小尿意的快感。除咗震之外,Cici的「頭」上,仲有仿手指紋路。除了刺激陰蒂,我會上下磨擦陰蒂同陰道口,凹凸感配上唔同pattern嘅震動,雙重刺激下,有幾次徘徊於高潮嘅臨界邊緣⋯⋯

如果你同我一樣,都鍾意透過壓力黎刺激陰蒂,用Cici只需運用槓桿原理,就能輕鬆發力!因為佢身形長,好似揸筆咁拿著Cici,對著妹妹,就可以符合「人體工學😂」,輕鬆對啱位置比力按摩。無須將手伸到直曬,玩到手臂痠痛。

會陰適用
甚至如果想試試觸碰會陰位置,都不會很吃力。實測下來,感覺酥酥麻麻,少少痕得黎又帶點爽。做前戲玩意都不錯不錯。如果用呢隻「仙女棒」震下Partner,睇住佢又要避,又好爽,夾雜著甜蜜嘅痛苦「不要不要的」,應該都幾Fun,下次試試先😂

初試探索:無痛、0撐開感

Cici 女士震棒 Svakom 陰蒂震棒 G點

用完佢熱身,是時候要試試放入體內。真係有丁點緊張。雖說不是第一次進入陰道, 但自我探索來說,都係頭一次認真試驗。

輕鬆置入
Anyway,擠出少少潤滑液,搽落Cici頭部,再係放在陰道口,然後:「Sip」一聲就好順利咁「入咗喇~」😯 本身都有少少忐忑, 硬係有啲心理障礙咁,但原來用Cici真係比我想像中要輕鬆放入。

Cici最闊得2.5cm,縱是新手都容易適應,唔會怕撐到陰道口好痛,或者撐大撐鬆(雖然我覺得邊有咁容易吖)。加埋多得佢纖幼頸部,比平常見開棒棒探索得更深,角度又大啲,撩得起勁啲,卡路里消耗又多啲,名符其實的「探索棒」。

頭部刺激
頭部紋路都係一個探索嘅加分位!進入陰道,摩擦G點的時候,細細個頭,加埋啲紋磨下磨下,猶如比手指按摩,但比手指更有刺激感!在我探索過程,突如其來有一下中左,令我精神為之一振,觸電嘅快感掠過全身咁😳

向來只係會震動外陰同陰道口嘅我,發現呢個G點新嘗試都感受不錯,之後都會Keep住試~

頸部靈活
真係特別讚下Cici條頸:坊間同類玩具一係太硬,一係「條條fing」;Cici柔韌度恰好,唔似軟皮蛇隨時變形;又唔使出盡九牛二虎之力,先掰得彎。Cici頸部有彈性,平時就保持30°最佳角度,最多可以180°折埋~無論按壓,抑或抽插,都靈活得來,又貼服實在,唔會「遊離浪蕩」,快感隨著按壓的力道遞進,角度稍微轉變時,又會感覺到。

A點適用
Cici 4.5cm的深入長度,加上玩具「窈窕身材」優勢,十分適合用黎深入子宮頸的A點。A點位於子宮頸口前端上方,透過撩動棒棒,可以更精準按壓刺激A點,我試完G點已經冇力了,有興趣探索A點嘅姊妹,不妨試試!

【後按:Cici已榮升我最常用玩具,順手方便又輕便。有時候想簡單放鬆來個高潮,放在床邊一手便拿到,唔使又開app又按10個按鈕,快,靚,正之選!】
Cici 女士震棒 Svakom 陰蒂震棒 G點

總結

試用完Cici,等我簡單總結一下Cici的優點:
⚉性價比高,四百幾蚊,一棒N用:外陰、G點、A點
⚉非常Handy,加上超超超窄身形,毫無入侵性
⚉頭部小巧,頸部靈活,可精準及多角度刺激
⚉震力適中,足以令你達到舒服高潮之感
⚉充電一次玩好耐,一個星期待機都冇問題
但Cici都未必個個都啱:
⚉未必合適喜歡強力震動嘅用家
⚉對於享受抽插感嘅朋友,呢款就可能略嫌未夠飽滿啦 ⚉頭部小巧,頸部靈活,可精準及多角度刺激
⚉震力適中,足以令你達到舒服高潮之感
⚉充電一次玩好耐,一個星期待機都冇問題

 

整體而言,Cici 係一個全面嘅玩具,作為初入手的玩具是不錯選擇,可以比你探索。
⚉鍾意外陰震動,Cici震力足夠,且有頭部紋路;
⚉想深度探尋G點A點,超細頭加180°折疊頸部,輕鬆處理;
⚉想用黎全身刺激/同伴侶玩,Cici手感易握又靚仔~