月經杯 - 簡要歷史

月經杯嘅簡要歷史

時光轉移,一齊回到過去吧…

對某啲人黎講,月經杯可能係日常生活不可或缺嘅物品,而對其他人黎講就好似外星語言咁陌生。唔講妳唔知,月經杯分分鐘係同妳曾祖母同一年代嘅發明!放心,我哋都唔想啲月經杯歷史悶親妳,所以特登準備咗一個濃縮版本~ 

CATAMENIAL SACK

1867

第一個月經杯模型,“月經袋”(Catamenial Sack),喺1867年於美國獲得專利(左下)。

月經袋主要由三大零件組成:橡膠袋、腰帶及鐵線。橡膠袋需要插入陰道內,底部有一條繩,方便攞佢出黎;腰帶就牢牢綁喺腰間;鐵線就連住橡膠袋同腰帶,同時將橡膠袋定位。(右下)。雖然設計都幾有顛覆性,但係最終都冇推出市場售賣。

DAINTETTE、FOLDENE、GODDARD 及 HAGEDOM杯

1932 - 1933

第一代較為現代化嘅月經杯於30年代初喺美國面世。Lester Goddard於1932年申請咗佢嘅月經杯設計。一年後,Arthur Hagedom獲得同Goddard杯極為相似嘅設計專利。 The Dainty Maid, Inc. 亦推出咗Daintette可重用月經杯(左下),而 Foldene Inc. 就推出咗Foldene可重用月經杯(右下)。Daintette 及 Foldene 都公然參考咗Goddard 同Hagedom嘅專利。

1937 - 1963

TASSETTE 杯

美國女演員Leona Chalmers係1937年為佢嘅Tassette杯設計申請咗專利。Tassette係用乳膠製成,而佢嘅專利申請闡述呢種設計「唔會導致不適,甚至察覺唔到佢嘅存在」。因為唔需要腰帶同繩,方便女士穿著輕薄貼身嘅衫。但係佢又偏偏咁黑仔,二次大戰期間乳膠短缺,令到被迫Tassette停止生產嚕。

Chalmers於是喺1950年戰爭結束後改良咗佢嘅專利設計。改良版嘅Tassette喺診所、醫院及大學等地方大肆宣傳,更加成為第一個喺收音機、公交、報紙及著名嘅時代廣場廣告牌上登廣告嘅月經產品。

公司好豪爽咁用咗一大筆錢黎推銷Tassette,可惜銷情甚為慘淡。

儘管 Tassette曾轟動一時,當時嘅女性仍然接受唔到可重用月經杯呢個具爭議性嘅偉大發明。更諷刺嘅係,因為可重用嘅關係,鍾意Tassette嘅女士都毋需回購,間接將Tassette喺1963年推向倒閉收場。

TASSAWAY杯

1960-1979

喺60年代後期,Tassette Inc. 獲得新嘅專利,並開始生產一種嶄新嘅一次性月經杯,叫做Tassaway,務求向新興嘅一次性月經產品(例如護墊、棉條)一鬥高下。但禍不單行,就好似前者咁,Tassaway嘅龐大開支令Tassette Inc. 面臨破產,同時帶埋Tassaway陪葬。

KEEPER杯

1987

T assette 及 Tassaway由 Lou Crawford研發嘅Keeper杯繼承。呢款可重用嘅月經杯由乳膠製造,至今仍然銷售緊㗎!

醫學級矽膠

2000 -

醫學級矽膠係一種較先進嘅材料,現在已經成功被好多品牌用黎製造月經杯,創造月經杯嘅新里程碑。依家就算對乳膠過敏嘅女性,都可以安全地使用月經杯喇!

 

 

 

回到月經杯貼心指南

Pre-loader