magnifier
 繁中  Eng 
貨幣

月經杯使用

月經杯嘅使用主要分清潔、折疊、插入、修剪、取出及倒空六個步驟。聽起黎好似關卡重重,但係一啲都唔難學㗎~

 

清潔

最好… 唔好…
✔ 處理月經杯之前徹底洗手 ✘ 用唔衛生嘅手或表面處理月經杯
✔ 第一次使用前用滾水煮5分鐘 ✘ 使用過分強烈嘅清潔劑、石油基物質、茶樹油、酒精或漂白水
✔ 每個週期完咗後用滾水煮5分鐘 ✘ 擺入微波爐
✔ 每次使用後用溫和嘅鹼液或專用清潔劑同水清洗 ✘ 擺入洗碗機
✔ 用紙巾抹乾淨 ✘ 用可重用嘅布料抹乾淨
✔ 配合水性潤滑液使用 ✘ 配合矽性潤滑液使

折疊

折疊月經杯會令插入過程事半功倍。折疊方式主要分三大類:1)C 型折疊;2)半V型折疊;及3)棉條式卷折。就算平時連信紙都唔折嘅妳都會好快上手!想知邊隻月經杯配邊種折疊方式最好嘅話,就建議妳參考產品頁面嘅資料喇。

 

插入

  1. 坐喺廁板上,然後放鬆陰道肌肉。如有需要,可以係陰道口擦啲水性潤滑液,令過程更加舒適。
  2. 就好似使用棉條咁,將月經杯向尾龍骨傾斜,然後向上插入陰道內,直到拉環或莖部完全係陰道內。如果用嘅係 Intimina Lily Cup,咁月經杯較高嘅一邊應該朝向妳嘅背部。
  3. 月經杯嘅穿戴位置比棉條低。拉環或莖部嘅末端應位喺陰道口上方約1.5厘米。

 

修剪

妳嘅月經杯應該完全喺妳嘅陰道內,但用最少一隻手指都可以輕鬆觸碰到。如果妳嘅月經杯莖部或部分突出體外,請輕輕取出並重新插入。如果莖部仍然喺妳嘅體或感到不適,都有方法將佢縮短㗎。 

除咗FemmyCycleIntimina Ziggy Cup 平貼月經杯之外,所有月經杯都可以修剪。但係注意喎,修剪或移除月經杯莖部會令月經杯更難取出,而修剪過激就可能會穿「杯」,最終報廢就陰公豬嚕,所以根據產品頁面嘅資料修剪妳嘅月經杯啦。

 

取出

  1. 坐喺廁板上,儘量放鬆身體。用妳嘅陰道肌肉將月經杯輕輕向下推。
  2. 捉著拉環或莖部,然後用Z字形嘅動作輕輕將月經杯向下拉。
  3. 按壓月經杯底部釋放微真空壓力。
  4. 調整月經杯嘅角度,避免意外滴漏。

 

倒空

將月經杯收集嘅經液倒入廁所,沖洗月經杯就可以重複使用!

 

說明手冊

 好學心重想了解多啲?只要通過以下鏈結下載說明手冊就得喇。掂晒!

 

  1. FemmyCycle
  2. Intimina Lily Cup 系列
  3. Intimina Ziggy Cup 平貼月經杯
  4. Merula 月經杯
  5. Merula 加大版月經杯
回到月經杯貼心指南