持有假J要坐3年監？性玩具＝違禁品的7個國家

試過有東南亞嘅朋友嚟香港，問佢想去邊度玩，佢就話想去睇 Sex Toys 朝聖吓，唔通香港嘅 Sex Toys 店特別出名 😳？

原來！Sex Toys 喺佢國家係屬違禁品 🤯，唔單止無得光明正大咁買嚟玩，如果旅遊入境嗰陣唔小心將玩具塞埋入喼而被發現 🙈，分分鐘會被沒收、罰錢，嚴重更可能會招致牢獄之災 😨！

今次就為大家介紹 7️⃣ 個 🚫 嚴禁性玩具嘅國家 🚫，最後嗰個國家都令我哋O晒嘴 😱！呢件事教曉我哋，原來有得玩 Sex Toy 係福份嚟㗎 🥰，香港人要好好珍惜 💁🏼💕～

1. 沙地阿拉伯

喺沙地阿拉伯 🏜️，你有得騎駱駝 🐫，但就冇得騎震棒喇 ☹️。

根據伊斯蘭教法，性玩具屬於「色情材料」，被全面禁止販賣同使用。但唔好以為阿拉伯無 Sex Toy shop 喔 😌。

聞說聖城麥加就有一間標榜符合伊斯蘭教法嘅「清真性用品商店」（無錯係 Halal Toy 😂），主要賣香薰蠟燭 🕯️、精油 🥥 等氣氛情調產品，震動器同飛機杯一律從缺 🤪！

2. 馬爾代夫

嚟到渡假聖地馬爾代夫，係人都會想同陽光與海灘玩遊戲 🏖️。

但玩還玩，玩具都係留係屋企啦 💁🏼！事關馬爾代夫同為伊斯蘭教國家 ，幾趣緻嘅性玩具都無情講，記得尊重返當地習俗同禁忌喇 😉 ～

3. 印度

根據《印度刑法典》，任何書籍、繪畫、人物或物體，但凡係能夠誘發性幻想及行為，都會被視為淫穢之物，禁止入國。

但實際又點執行呢？據稱印度對性玩具嘅管制取決於玩具嘅外觀形態，例如像真度高嘅Dildo同名器就會被Ban，但若然係睇起上嚟完全唔似人體私處嘅魔法按摩棒就會無事，係咪好難捉摸呢！🤣

4. 美國阿拉巴馬州

Meme時間！一邊係手槍子彈，另一邊係G點按摩器，你哋估下邊一樣係美國阿拉巴馬州嘅違禁品？🐶

咪以為性保守嘅地區得亞洲、非洲等國，美國阿拉巴馬州自1998年起就全面禁止販賣性玩具（擁有OK），當地人要玩就要跨區去其他州份買。

最搞笑係有專家呼籲居民理解，用住電動牙刷頂住當先，唔好啦～🙈

5. 馬來西亞

唔好，唔好，千祈唔好！

很重要所以要講3次，因為馬來西亞唔同泰國同越南，如果你攜帶性玩具入境而被捉到嘅話，係會唔止罰錢同沒收玩具噉簡單，據當地法例最高刑罰係會監禁3年！

大家乖～玩具留返屋企玩啦 🤪

6. 越南

去過越南嘅朋友，或者大概估到風氣相對保守嘅越南會榜上有名。

不過有趣的是，傳聞越南海關沒收咗你啲玩具之後，會喺你離開出境嗰日還返件玩具畀你（當然前提係你同一個機場啦），但唔知大家又敢唔敢係離境大堂贖返你件Toy呢 🥲？

7. 泰國

泰國喔！點會呀？但原來真係！美食、古蹟，之後就數到紅燈區、夜生活嘅泰國，雖然擁有全亞洲數一數二嘅性文化產業，但原來性玩具係泰國屬於違禁品，罪名係「淫穢物品」，明文規定唔可以入境！

之但係 🧐 點解我哋有時又會係泰國見到性玩具店呢？原來好多時都係地下經營，又或者執法機關選擇性執法，隻眼開隻眼閉噉囉 😉