尋找一個唔存在的完美3P對象——「狩獵獨角獸」

什麼是狩獵獨角獸？

意指一對（通常已婚）異性戀男 + 雙性戀女情侶邀請第三者長遠/永久性加入佢哋段關係，無論精神上、肉體上、性愛上都與情侶雙方完美融合。

點解叫「Unicorn Hunting」?

「Unicorn Hunting」嘅前設就係「狩獵者」情侶將「第三者」視作獵物，而並非以一個平等態度去與其互相認識交往。佢哋真正搵緊嘅，其實係活喺想像中嘅「獨角獸」 🦄️。

身為「Unicorn」嘅第三者需要滿足一連串既離地又苛刻嘅條件（見下頁）。能夠搵到合適人選，同時佢又願意充當呢個角色嘅可能性，就猶如喺漆黑嘅森林內追尋到「獨角獸」般罕有。

做「Unicorn」的條件

1. 通常係一位年輕、漂亮、單身的雙性戀女性；
2. 同時、同等地愛上情侶雙方；
3. 樂意配合情侶的性幻想；
4. 無條件同意遵守情侶定下的「關係規則」；
5. 融合情侶關係的同時，不能夠威脅情侶之間已建立的關係；
6. 適時抽離，唔會沉船，呼之則來揮之則去。

敢問蒼天，天下何人能做到？

「Unicorn Hunting」的背後動機

「Unicorn Hunting」嘅提議者通常為男方，

目的總是離不開滿懷好奇嘅實驗心態，或為關係增添多一分新鮮感。

基本上，「獨角獸」嘅主要存在價值就係成為滿足男方多重慾望嘅「工具」。

Unicorn Hunting = 3P？多元/多角戀關係？

雖然「Unicorn Hunting」同 3P、多元 / 多角關係、開放式關係擁有共同元素，但係前者並非歸屬於後者。

3P vs UH

3P
■ 聚焦於性愛關係。
■ 關係相對短暫，床上事床上了，甚少牽涉到日常生活（例如愛情）；

Unicorn Hunting
■ 包含身心付出，不止於性。
■ 關係相對較長，尋找長久的角色去進入情侶關係。

多元 / 多角關係 vs UH

多元 / 多角關係
■ 各方關係相對平等，平起平坐。
■ 重視關係內每一個個體嘅意願，與「第三者」關係有協調餘地，重視對方內心感受。
■ 相處模式可隨著溝通後轉變，一切都透過共識實行。

Unicorn Hunting
■ 關係有主次之分，各方並非處於平等地位。
■ 期望「第三者」單方面配合、實現情侶嘅慾望，第三者的感受可被完全無視。
■ 相處模式被固定在情侶訂立的框架內。

開放式關係 vs UH

開放式關係
■ 情侶各方可與第三者單獨發展性愛及感情關係。
■ 在有共識的前提下，情侶各方毋需向對方徵求有關與第三者發展關係的意見。
■ 可以只與第三者發生性愛，未必牽涉感情。

Unicorn Hunting
■ 第三者需要同時及同等地與情侶雙方發展性愛及感情關係。
■ 情侶雙方都需要同意與第三者發展關係。
■ 與第三者發生性愛及牽涉第三者的感情付出。

「Unicorn Hunting」嘅爭議

■ 將多元 / 多角關係污名化 - 因為好多人將兩者混淆，同時「Unicorn Hunting」飽受負面含義，因此儘管兩者嘅分別，好多人都會相提並論，間接將其「污名化」。

■ 將第三者貶低 / 物化 - 喺「Unicorn Hunting」嘅世界中，第三者只會被貶為一個要用盡其力滿足情侶嘅物件，而第三者嘅身分、地位、權益亦十分卑微。

■ 加深性別定型及標籤 - 由於「Unicorn Hunting」多數由男方發起，會過分地強調男士受性慾主導的一面，而女性的角色則顯得相當被動。

■ 缺乏同情心 / 同理心 - 人類是感情動物，而第三者嘅感受、需要、狀態可被情侶完全忽視，顯出「Unicorn Hunting」非人性化的一面。