點解蛋蛋會晾係「體外」？

點解偏偏JJ同蛋蛋先係咁？

人類脆弱嘅五臟六腑
全部都隱藏喺體內，被皮、骨、肉保護住
但係陰莖同陰囊就偏偏
大紅燈籠高高掛咁晾喺雙腿之間
JJ 嘅話就明顯係方便進行性交，容易理解啫

但係點解蛋蛋又係咁呢？
更好方便展示雄風？
容易啲刺激增加精子繁殖？
離 JJ 近啲容易啲輸精？

其實同精子有關？

精子最佳嘅繁殖溫度係 34-35°C，比人體溫度低 2-3°C
而「外置」嘅陰囊就有助於蛋蛋同精子「散熱」
將溫度維持喺最佳水平
如果蛋蛋喺體內嘅話對精子嚟講就太熱㗎喇

太熱又如何？

當精子環境嘅溫度上升至人體體溫
佢哋就會進入「暴走」狀態
彷彿收到信息要發奮圖強遊入子宮讓卵子受精

而精子喺體溫下嘅壽命只有 50 分鐘至 4 小時
亦都係精子完全進入女性生殖系統需要嘅時間
所以長期處於體溫環境就如同溫水煮蛙咁
慢慢「虛耗」精子嘅能量

陰囊會「自動」調節溫度？

原來陰囊有「提睪反射」功能嚟調節溫

當環境溫度太高時，陰囊就會加以度放鬆
讓蛋蛋遠離身體，加速散熱

當環境溫度太凍時，陰囊就會加以收緊
讓蛋蛋靠近身體，加以保溫

除此之外，陰囊嘅動靜脈都鄰近彼此
供血同時散熱，係一個額外嘅「冷卻」系統

底/褲太緊會殺精？

3D 激凸大包固然 yummy，緊身牛仔褲雖然 sexy
但竟然會殺害子孫？

被「逼落牆角」嘅蛋蛋會影響其散熱功能
導致蛋蛋環境溫度上升
從而對精子嘅生命力造成威脅

所以都係著返啲鬆身透氣開褲 / 底褲最好～

沖涼太熱會殺精？

出邊寒風凜冽，想沖返個滾燙熱水涼 / 泡泡浴？
真係諗起都舒服，但係就建議避免溫度過高 / 長時間沖洗浸泡
一來對精子健康不良
二來對皮膚較薄同敏感嘅私處或會過分刺激
從而引起不適

所以都係唔好沖太熱 / 太耐喇～