女士私處分泌物會漂白內褲？

白色一噠噠？

Ladies，有冇發覺內褲著咗後 (特別係深色嗰啲)
會出現一噠噠白色跡？
究竟係尿液、汗水、定還是分泌物造成？
係咪正常？身體係咪出現了咩狀況？

係因為私處分泌物？

內褲嘅「白色印記」源頭源於「白帶」(即陰道分泌物)～

白帶即為陰道分泌物，係女性生殖器官所分泌出嚟嘅黏液
有助維持陰道環境濕潤及健康，屬於正常生理現象

而白帶嘅 pH 值為 3.8 - 4.5；其弱酸性有機會侵蝕衣物纖維組織
導致衣物「漂白」效果

弱酸性 pH 可防止細菌在陰道內繁殖，增加陰道嘅防禦力

白帶幾時會最多？

白帶的產量同體內雌激素水平息息相關
通常會喺排卵期、月經前後、懷孕期間、性愛前後增加
呢啲時候甚至可能會呈現透明蛋白狀態

應該如何處理？

少部分 (特別係白帶較多) 女士或會選用衛生巾、月亮褲
或者直接穿著淺色內褲掩蓋漂白跡象

其實白帶都係身體嘅自然分泌物
其產量更會隨著身體狀況而自生改變
若白帶顏色或氣味異常或造成不適
便建議尋求婦科醫生協助

最重要注重私密衛生
徹底清潔內褲及清洗外陰 (陰道就唔建議灌洗)
甚至可以選擇溫和的外陰清潔產品
感覺更 fresh

結語

人體有各種不同自然分泌及機能
會隨著不同因素而自我調節
不需感覺羞恥、污糟或尷尬
最重要係了解自己身體
時刻留意身體狀況並給予所需