潤滑劑,前往快感天國的階梯

潤滑液,Lubricant,又稱Lube。一句講晒,就係用來減少摩擦,佢可以舒緩乾澀減輕疼痛、同增加愉悅

就咁聽嚟都冇乜特別啫… 但係如果真係咁簡單嘅話,點解市面上又有咁鬼多唔同嘅潤滑液嘅?其實就如飯菜嘅醬汁同調味料,唔同嘅潤滑液具有唔同嘅性質同特點,各有所長同其短。

八大使用潤滑劑的理由

1. 當身體嘅反應同腦唔同步時,做一個緩衝

身體好奇妙,需要啲時間先可以腦同身體同步,所以先會有好興奮好想做,但冇乜分泌去潤滑;有時候就掂一掂龜頭就會有透明分泌物,但明明個腦完全唔係諗性嘅嘢。呢個時候,潤滑劑就可以幫到你:搽一啲落私處,一邊按摩輕微挑逗,一邊靜候身體&腦同時ready。

2. 為你帶嚟愉快新體驗

運用唔同質感/種類潤滑劑,為你新鮮感~口味型潤滑劑亦可以為口交過程增添趣「味」,為親密時刻創造感官刺激。潤滑劑甚至可以用嚟按摩用添!喺嚟料之前享受按摩前戲簡直係完美部曲啊!有冇試過超多Lube,成個身搽滿曬玩日式Nuru,用身體感受身體嘅超滑感受?完全係一石二鳥囉~

3. 減輕疼痛

潤滑劑仲可以減少喺日常活動、運動及做愛中過度摩擦而引起嘅疼痛。疼痛同乾澀息息相關,通常越乾澀就會越疼痛。濕潤嘅表面可以降低摩擦,減輕疼痛。

4. 舒緩陰道乾澀

分泌物量可以被好多原因影響到e.g.壓力過大、身體疲倦、經期、食藥、更年期或者荷爾蒙轉變,令分泌變少,導致痕癢,乾燥,甚至疼痛。潤滑劑可以舒緩一系列原因引致嘅陰道乾澀。陰道乾澀唔單止影響女士嘅性生活,仲會影響佢哋嘅日常活動及運動。用水性或矽性潤滑劑可以為陰道保濕,紓緩症狀。

5. 肛交/後庭Play必備恩物

因為後庭同陰道唔同,唔會自生分泌人體潤滑劑,而肛門特別脆弱,所以使用充足嘅潤滑劑會減少對後約肌組織嘅損傷,尤其推薦矽性潤滑劑,能夠喺表面形成輕薄保護膜,配上超卓潤滑力,提供額外保護!

6. 潤滑劑令你專注喺性愛入面

有時候擔心自己乾燥到做唔到愛,好焦慮?買一支細細的潤滑劑就可以緩解對此嘅焦慮,另外你嘅伴侶都唔會因為怕整痛你而擔心到投入唔到啦!好嘅潤滑劑令你感受性愛嘅美好~

7. 幫助你喺自慰時,搞清楚你鍾意啲咩

其實潤滑液好適合自慰用,配合暖/冷/酥麻感嘅潤滑液,加上同各種玩具/手指嘅刺激,令你盡情探索自己嘅喜惡:可能乳頭就中意涼感,但陰莖/陰部就偏向酥麻感!咁等你同伴侶做愛時,都更得心應手啦!

8. 陰道敏感嘅你,都用得!

陰道好敏感,怕過敏?其實最建議矽性潤滑液,佢最防敏亦唔會比身體吸收。但如果鐘意水性嘅質感,有啲低敏配方,例如不含甘油嘅潤滑液,以及女性私密護理潤滑液等等,讓你都可以享受到用潤滑液嘅好處!

有邊啲潤滑液種類?

主要分為三種質地,包括(1)水性 Water-based;(2)油性 Oil-based;(3)矽性 Silicone-based。
除此之外,有其他因應情境/用家需求潤滑液而設嘅潤滑液(1)暖/涼/酥麻感 (2)可食用類型(3)女性私密護理(4)肛交專用(5)不含甘油潤滑液。

水性潤滑劑

水性潤滑劑係市面上最常見及受歡迎嘅潤滑劑種類。佢哋色澤清透,質地水潤,係追求「自然」感覺用家嘅首選。一齊睇吓水性潤滑劑嘅優點同缺點啦:

優點:水潤保濕,配方溫和。基本上適用於所有材質嘅情趣用品,安全套、或徒手。水性潤滑劑冇太多油份,所以容易清洗,不會留跡,用清水+鹼液就得,唔怕整污糟床單。有啲仲唔使洗,會自然風乾。

缺點:可能需要補擦,因比較容易被皮膚及粘膜吸收。避免打得火熱🔥中途休息,建議用多少少。而且多數水型潤滑劑會加入甘油令佢厚身啲,但陰道容易敏感女性,但係又鍾意水性潤滑劑嘅質感嘅話,建議使用不含甘油嘅潤滑劑。

總括黎講,水性潤滑劑好洗好用,又安全嘅質地,fit曬口交、陰道交、飛機杯、震動器。而市場上較多嘅潤滑劑都屬於係水性嘅。

矽性潤滑劑

雖然矽性潤滑劑冇水性咁受歡迎,但係都越嚟越受人垂青!佢哋絲滑嘅質地同持久嘅特性,最適合「長氣王」嘅你!以下就係一啲矽性潤滑劑嘅優點同缺點:

優點:質地絲滑,少少油膩感。持久耐用,係陰道交/肛交良品,甚至都適合按摩💆!因為佢含極少/不含水分,所以唔會被人體吸收,矽性潤滑劑能夠喺表面形成輕薄保護膜,為括約肌提供額外保護。同埋水中玩樂都OK,因為佢有張力,會依附在皮膚表面,唔容易被水洗甩!而且佢可以同安全套一起使用。

缺點:⚠️矽矽相剋。矽性潤滑劑同矽膠玩具長期一齊使用嘅話,可能會損壞矽膠玩具嘅無孔表面,令玩具容易滋生及隱藏細菌。千祈唔好貪方便就亂咁用啊!而矽膠潤滑劑且更難清洗,特強持性可能需要進行多番清洗,先可以徹底清淨。如果你時間緊湊,或唔想反覆清洗,咁就未必適合用矽性潤滑劑嚕。

總括黎講,矽膠潤滑劑適合肛交,持久但難清洗,唔可以直接同矽膠情趣玩具使用,如果想用,就幫玩具戴返個安全套先啦!

油性潤滑劑

油性潤滑劑就冇水性同矽性潤滑劑咁受歡迎喇。即管係咁,有啲人對油性嘅滋潤感覺始終情有獨鍾。等我哋探討吓油性潤滑劑嘅一啲優點同缺點啦:

優點:按摩聖品,按摩技師用按摩油一定有原因嘅。佢係三種中最高潤滑嘅種類,令皮膚柔滑無比。而且非常持久,油性潤滑劑通常都會停留喺肌膚表面,所以幾乎唔駛補擦,名副其實嘅「慳油慳力」。質地濃厚,極度滋潤。

缺點:影響陰道健康,油性潤滑劑會影響陰道嘅酸鹼度,導致細菌滋生。加上水油不容,最難以清洗,殘留體內會有感染風險。同埋佢係會留跡嘅。而且佢質感多數都偏向肥笠笠。

注意⚠️:油性潤滑劑會破壞乳膠嘅組織,令其容易撕裂或破損,就會有機會感染性病/懷孕。所以千祈❌唔好❌同乳膠安全套一齊使用喇。但同PU/PI 安全套一起用就OK。

總括而言,油性潤滑劑用黎情趣身體按摩,打飛機一流,但性行為就唔太建議用。

特色潤滑液

可能你會問,如果我想要啲指向性嘅Advise,咁又點分啊?其實,我地喜穴網站嘅分類,好詳細咁按照唔同用途黎分類,方便你去挑選合適嘅潤滑液。以下分為五種觸感&功能類別,更詳細咁介紹下啦~

1. 可食用潤滑液

喜穴挑選嘅可食用嘅潤滑液,特別為口交嘅時而設,增添滋味。有你估唔到咁多味:棉花糖焦糖蜜桃🍑、薄荷巧克力🍫等等。呢啲潤滑液其實可以搽在身體任何部份玩,配合可重用防水床單使用,唔怕整污糟之餘,玩人體盛或者其他挑逗嘅情趣遊戲時就更方便,更可以隨時滑入去入去進行性交~ 唔似普通糖漿咁要就住就住,唔好掂到私處。

Wet Stuff 呢款焦糖味口愛潤滑液親人實測,真係好似食Pancake嘅糖漿味,用佢就可以將你伴侶變成甜美可人嘅食物啦!

2. 觸覺系——暖感/涼感/酥麻感

觸覺嘅感受,真係可以好影響性愛過程。好嘅潤滑液會帶你去另一個level,講平時嘅感覺再放大。暖感帶來微溫效果,配搭玩具使用能模仿人體體溫,更像真更有feel。暖感中最有Feel係: MOJO Horny Goat Weed Libido 暖感潤滑液,用黎打飛機✈️好適合,而HARU嘅Steamy 卡瓦醉椒熱感潤滑液🌶️台灣出品,暖暖地都好受歡迎~自己一個玩就有真人暖感,同伴侶一齊玩就加添玩意!

涼感,夏天必備嘅冰涼爽感。有啲客人會覺得摩擦太熱,想降溫就會挑選涼感潤滑液啦!呢款Tenga Hole Lotion 飛機杯專用潤滑液 - Cool 涼感型比你涼浸浸嘅feel

酥麻感潤滑液,喺最近好流行。似電流觸碰嘅感覺,係冷暖以外嘅最新感受。HARU Orgasm 大麻酥麻熱感潤滑液就係最近大受歡迎嘅潤滑液。

3. 女性私密護理

女性私密護理設計嘅潤滑液,特點就係佢哋配方適合女性陰道弱酸度pH值,有啲更會添加適合女性陰道嘅益生菌、或者各種保濕成分,去避免陰道乾燥。呢啲潤滑液適合陰道比較敏感嘅女士,等佢哋性愛中都放心享受!

Haru呢款Feminine Care 益生配方女性私密護理潤滑液加入益生菌,抑制不良菌種,等陰道較弱,例如受過感染嘅女士,都可以選到一種適合嘅潤滑液!

4. 肛交用潤滑液

潤滑液亦係肛交唔少得嘅恩物,因為後庭同陰道唔同,唔會自生分泌人體潤滑液。使用充足嘅潤滑液會減少對肛門脆弱黏膜組織嘅損傷。肛交專用潤滑劑同一般潤滑劑嘅主要分別,在於(1)佢會更持久,濃厚,多數係矽性同特濃水性。(2)pH值會係中性,以配合偏中性嘅直腸pH值,而唔係配合偏酸性嘅陰道pH值。

肛交熱賣推薦:Pjur BACK DOOR Regenerating 後庭修護水性潤滑液,含有修復性泛醇(維他命 B5)及舒緩性洋甘菊

5. 無甘油潤滑液

甘油 (Glycerin),常見於水性潤滑液入面,作用令濕潤感更持久。但呢個成分喺醫學界度就有啲爭議。有一啲研究就話甘油有機會改變陰道pH值,令酵母菌不斷繁殖,增加感染嘅風險;但有一啲則認為高含量甘油都冇影響。雖然大部分女士都未必會經歷由甘油引起嘅酵母菌感染,但係對於容易或曾經患過嘅女士,就可能要避免使用含有甘油嘅潤滑液。

無甘油潤滑液推薦:Pjur WOMAN Nude 女士專用潤滑液,同埋Haru Nude 柳蘭精華無甘油潤滑液。兩款分別就係pjur會水潤啲,同埋有30ml細支裝;Haru會比較厚身啲,如果配合月經杯使用就會好適合啦~

點解潤滑液又叫KY/潤滑油?潤滑液、潤滑油、潤滑劑又有咩分別?

好多人都會KY,KY咁叫,但KY代表乜?其實K-Y係一個1904年已經出品嘅水性潤滑液牌子,曾經係Johnson嘅,依家係杜蕾斯旗下。因為佢歷史悠久太出名、又易記易叫嘅關係,已經變咗做潤滑液嘅代名詞,就好似Google已經變咗搜尋🔍嘅代名詞。

而關於潤滑液,潤滑油,潤滑劑,其實都係一樣嘢:Lubricant,係任何幫助減少摩擦嘅物質。潤滑液嘅傳統功能其實係用於潤滑摩打、單車鐵鏈同埋其它機械零件等,以減少其活動部位運作時引起嘅磨損。不過依家我哋分類,通常會偏向:潤滑液>人體使用;而潤滑油/潤滑劑>傾向機械使用

潤滑液可以用喺邊?

基本上搽邊度都得嘅,除咗眼耳鼻啦。常見使用場景有:性交(陰道交、肛交、口交)、身體按摩(Nuru,massage)、將月經杯放入陰道時。

用潤滑液代表「唔得」?

性器官分泌嘅多寡,同性能力係冇直接關係!每人分泌物量天生唔同,而且身體的反應唔一定直接代表佢性興奮度。所以先會有好興奮好想做,但冇乜水去潤滑;有時候就掂一掂龜頭就會有透明分泌物,但明明個腦完全唔係諗性嘅嘢。所以唔係你/伴侶唔得,而係身體因素~怕嘅,咪買一支細細水性潤滑液size,再唔係買片裝嘅試下!

我/我Partner都有水,其實係咪冇需要用?

呢刻有,唔代表以後一直有。除咗天生基因決定之外,分泌物量可以被好多原因影響到e.g.壓力過大、身體疲倦、經期、食藥或者荷爾蒙轉變,令分泌變少,導致痕癢,乾燥,甚至疼痛。所以建議女仔其實都可以買一支旁身,自己玩玩具都可以用!再者,你有冇試過超多Lube,成個身搽滿曬玩日式Nuru,用身體感受身體嘅超滑感受?係完全兩回事。

安全套上面都有潤滑液,點解要另外買?

好簡單,會乾㗎嘛!長時間性愛中+本身分泌不足,就會令安全套變乾,再摩擦就有機會破裂,就好大風險喇。所以建議大家喺性愛過程中,有一支Lube傍身,尤其肛交,本身冇足夠分泌潤滑,靠安全套上面少少潤滑液肯定唔夠。另外使用性玩具嘅時候,都建議大家使用潤滑液,避免因摩擦而帶黎痛楚。

每次要用幾多潤滑液㗎?

每次使用嘅份量其實取決於好多因素,包括潤滑液嘅類別、配方嘅濃度同埋使用嘅目的(例如配合玩具使用、做愛、自慰等)。就算你想浸個「潤滑浴」都吹你唔漲㗎。 喺我哋嘅角度,潤滑液永遠都唔會嫌多嘅。但係一般嚟講,可以考慮先用五毫硬幣嘅份量,然後再根據個人需求及喜好再添加份量。

潤滑液入咗陰道/肛門會吸收嗎?

答案係Yes and No。水性潤滑液本身會蒸發,同身體會吸收。但矽性嘅身體就唔會吸收,油性我地唔建議擺入陰道,但佢都會吸收嘅。

飛機杯潤滑液有咩分別?

飛機杯潤滑液,係為該品牌嘅飛機杯特定研發調校配方,令到潤滑度配合得宜,達到整體感受更正。例如真實之唾液,就係就為咗真實之口一系列飛機杯,所研發出來嘅仿真唾液設計,有極多拉絲,令用家更有「真人口水」感覺,咁用其他系列嘅潤滑液,咪硬係好似有啲唔夠囉。

G PROJECT x PEPEE Bottle Lotion HOT 熱感潤滑液呢款就係熱感嘅,用喺飛機杯上,就產生仿體溫感覺,更舒服,更享受。

用口水/凡士林/椰子油做潤滑液得唔得㗎?

唔得啊!凡士林/椰子油屬於油類,會分解乳膠安全套導致安全問題。而且會影響陰道pH值!口水就會越舔越乾,唇都係啦,何況私處?而且口水細菌都多,如果有傷口接觸到會有可能感染。貪就手,用咗之後敏感、乾澀、不適,就得不償失啦?黎喜穴買啦,細細支夠你用好耐,仲要全部都安全,有啲甚至可以食落肚添!

潤滑劑使用注意事項

  • ■ 將適當嘅份量擠係手掌或手指上,再搽係需要嘅地方(例如陰莖、陰部、肛門、玩具等)。
  • ■ 避免將潤滑劑直接倒係性器官上,因為會難以拿捏,可以先擠少量出黎,睇下係咪足夠達致潤滑功效。唔夠,再慢慢增加份量。
  • ■ 注意保質日期,潤滑劑都會過期!

今集就講到呢度啦各位靚仔靚女們!希望大家順順嚐嚐,出入平安喇,嘻嘻。如果你有任何疑問,或者仲想知多啲,咁就隨時歡迎你隨時同我哋聯絡啦。下次見!